भिडियो कन्फ्रेन्सिङ्ग सेवाको प्रयोग दैनिक बढेसँगै जूमको आम्दानीमा उच्च वृद्धि

Technology Khabar १६ भाद्र २०७७, मंगलवार

भिडियो कन्फ्रेन्सिङ्ग सेवाको प्रयोग दैनिक बढेसँगै जूमको आम्दानीमा उच्च वृद्धि
Classic Tech
Nepal Telecom

भिडियो कन्फ्रेन्सिङ्ग सेवा प्रदायक कम्पनी जूम भिडियो कम्युनिकेशन्स इंकको आफ्नो त्रैमासिक आम्दानीको अनुमान भन्दा उच्च वृद्धि भएको छ ।

कम्पनीले सोमबार त्रैमासिक अनुमानलाई आरामसँग पार गर्दै वार्षिक राजस्व पूर्वानुमान ३० प्रतिशत भन्दा बढी भएको जानकारी दिएको हो ।
कम्पनीले आफ्नो ठुलो मात्रामा रहेका निशुल्क प्रयोगकर्ता आधारलाई सशुल्क सेवा सदस्यतामा रूपान्तरण गरेको छ।

जूमको सेयरहरू यस बर्ष लगभग चार गुणा बढेर हाल ३५५ डलर प्रति कित्तासम्म पुगेको थियो ।

भिडियो-कन्फरेन्सिङ्ग प्लेटफर्महरू प्रायः व्यक्तिगत बैठकहरूको लागि एउटा टेक्नोलोजीक विकल्पको रूपमा प्रयोग गरिएको छ ।

यो यस वर्ष कोरोनाभाइरस प्रतिबन्ध अन्तर्गत घरमा नै बस्न बाध्य भएका व्यक्तिहरूको लागि दैनिक जीवनको महत्त्वपूर्ण हिस्सा भयो । अहिले कामका लागि होस् वा स्कूल वा सामाजिकरणको लागि, जूम सबैभन्दा धेरै प्रयोग हुने गरेको छ ।

जूम प्रतिद्वन्द्वीहरू जस्तै माइक्रोसफ्ट कर्पको टिम्स र सिस्को प्रणाली इंकको वेबेक्सले पनि बढ्दो प्रयोग देखेको छ।

जूमकाअनुसार कम्पनीले यो त्रैमासमा ६६३‍.५ मिलियन डलर कमाएको छ जबकी विश्लेषकहरुले ५००.५ मिलियन डलर कमाउने प्रक्षेपण गरेका थिए । एजेन्सीका साथ

TK Viber

प्रकाशित: १६ भाद्र २०७७, मंगलवार

Loading...