एप्पल सन् २०२० को विश्वकै सबैभन्दा मूल्यवान ब्राण्ड, फेसबुकको ब्राण्ड भ्यालू २१ प्रतिशतले घट्यो

Technology Khabar ९ भाद्र २०७७, मंगलवार

एप्पल सन् २०२० को विश्वकै सबैभन्दा मूल्यवान ब्राण्ड, फेसबुकको ब्राण्ड भ्यालू २१ प्रतिशतले घट्यो
Classic Tech

विश्वको मूल्यवान कम्पनी कुन हो भनेर सोधेमा आईफोन बनाउने कम्पनी एप्पल भनेर चिनिने गर्दछ।

हालै एप्पल २ ट्रिलियन डलर बजार मूल्य हुने विश्वको दोस्रो कम्पनी बनेको छ र अहिले त यो बजारमा २ ट्रिलियन डलर हुने एक मात्र कम्पनी हो ।

विश्वका धनी र ब्राण्डहरुको बारेमा सूची सार्वजनिक गर्ने फोर्ब्सले हालै सार्वजनिक गरेको सन् २०२० को मूल्यबान ब्राण्डमा पनि एप्पल पहिलो स्थानमा रहेको छ ।

एप्पलसहित प्रमुख ५ को सूचीमा प्रविधिको क्षेत्रमा सक्रिय कम्पनीहरु मात्र छनभने टप १० मध्ये ६ वटा कम्पनी प्रविधि क्षेत्रका छन् ।

सूचीमा एप्पलको ब्राण्ड मूल्य २ लाख ४१ हजार २०० प्रतिशतसहित पहिलो स्थानमा रहेको छ जसको ब्राण्ड आम्दानी २६०.२ बिलियन डलर रहेको छ ।

त्यसैगरि दोस्रो मूल्यबान कम्पनीमा गूगल रहेको छ जसको ब्राण्ड आम्दानी १४५.६ बिलियन डलर तोकिएको छ । तेस्रो स्थानमा रहेको माईक्रोसफ्टको ब्राण्ड आम्दानी १२५.८ बिलियन डलर रहेको छ भने ईकमर्श कम्पनी अमेजन २६०.५ बिलियन ब्राण्ड आम्दानीसहित चौथो स्थानमा रहेको छ । अमेजनको ब्राण्ड भ्यालू १ लाख ३५ हजार ४०० प्रतिशत तोकिएको छ ।

सोशल मिडिया कम्पनी फेसबुकले भने यो वर्ष आफ्नो ब्राण्ड भ्यालू २१ प्रतिशतले गुमाउँदै पाचौं स्थानमा रहेको छ जसको ब्राण्ड आम्दानी ४९.७ बिलियन डलर रहेको छ ।

त्यसैगरि सूचीको ८ औं स्थानमा रहेको सामसंगले पनि आफ्नो ब्राण्ड भ्यालू ५ प्रतिशतले गुमाउँदै ५० हजार ४०० प्रतिशत ब्राण्ड भ्यालू पाएको छ । यसको ब्राण्ड आम्दानी २०९.५ बिलियन डलर रहेको सूचीमा उल्लेख छ ।

फोर्ब्सकाअनुसार यो बर्ष ब्राण्ड भ्यालू सबैभन्दा धेरै बढाउन सफल भएका कम्पनीहरुमा नेटफ्लिक्सको ७२ प्रतिशत, च्यानलको ४२ प्रतिशत, अमेजनको ४० प्रतिशत, माइक्रोसफ्टको ३० प्रतिशत र पेपालको २४ प्रतिशत रहेको छ ।

त्यस्तै यो वर्ष ब्राण्ड भ्यालू सबैभन्दा धेरै गुमाउने कम्पनीको पहिलो स्थानमा फेसबुक रहेको छ। फेसबुकले यो एक वर्षमा २१ प्रतिशत ब्राण्ड भ्यालू गुमाएको छ भने त्यसपछि वेल्स फार्गो, मर्सिडिज बेन्ज, फोर्ड र जीई कम्पनी रहेका छन् ।

प्रकाशित: ९ भाद्र २०७७, मंगलवार

Comments are closed.

Loading...