Technology Khabar ८ भाद्र २०७७, सोमबार
काठमाडौं ।
पछिल्लो दिनमा अमेरिकाका राष्ट्रपति र सोशल मिडिया कम्पनीहरु बीच निकै तनावको अवस्था देखिएको छ भने उनका विवादास्पद भनाईहरुलाई सोशल मिडियामा रोक्ने क्रम बढिरहेको छ ।
यसैबिच ट्विटर इंकले आइतबार अमेरिकाका राष्ट्रपति डोनाल्ड ट्रम्पको एउटा ट्वीटमा चिन्ह लगाईदिएको छ । ट्रम्पले डेमोक्र्याट्सले ड्रप बक्सलाई मतदाताहरूको विकल्पको रूपमा लिएको आलोचना गर्दै गरेको एक एक ट्वीटमा फ्ल्याग राखिदिएको हो र यो ट्वीटले ‘नागरिक र चुनावी अखण्डता’ नियमको उल्लंघन गरेको कम्पनीले बताएको छ।
यो ट्वीटलाई नोटिसको भित्र राखिएको छ र यसले प्रयोगकर्ताहरूलाई चेतावनी दिन्छ कि यसले मानिसहरुलाई मतदानबाट वञ्चित गर्ने भावना विरुद्ध लेखेर प्लेटफर्मको नियमहरू उल्लंघन गर्दछ।
सोमबार पोष्ट गरिएको ट्वीटमा, ट्रम्पले मेल ड्रप बक्सहरू ‘मतदाता सुरक्षा प्रकोप’ हुन् भनेर दावी गरे र तीनीहरू ‘कोभिड सेनिटाइज गरिएको छैन’ भन्ने लेखेका छन् । । ट्वीटरको सूचनाले भन्छ कि सो ट्वीटले नागरिक र चुनावी अखण्डता सम्बन्धी यसको नियमहरू उल्लंघन गर्दछ, तर यो ट्वीट जनताको रुचीको लागि पहुँच योग्य हुनसक्दछ।
प्रयोगकर्ताहरू अझै यसलाई टिप्पणीको साथ रीट्वीट गर्न सक्दछन्, तर तिनीहरूलाई सिधै लाइक्स गर्न, जवाफ दिन वा रीट्वीट गर्नबाट रोकिएको छ ।
So now the Democrats are using Mail Drop Boxes, which are a voter security disaster. Among other things, they make it possible for a person to vote multiple times. Also, who controls them, are they placed in Republican or Democrat areas? They are not Covid sanitized. A big fraud!
— Donald J. Trump (@realDonaldTrump) August 23, 2020
अमेरिकामा यहि नोभेम्बरमा हुने राष्ट्रपतिको निर्वाचनका लागि डेमोक्र्याट र रिपब्लिकनबिच चुनावी प्रतिस्पर्धाका बिच आरोप प्रत्यारोप बढिरहेको छ ।
जो व्यक्तिहरुले आफ्नो मतपत्र अमेरिकाको पोस्टल सर्भिसको जिम्मा दिन विश्वासयोग्य ठान्दैनन् उनीहरुको लागि देशभरका डेमोक्र्याटहरूले मतदाताहरूका लागि सुविधाजनक र भरपर्दो विकल्पको रूपमा ड्रप बक्सहरूको प्रचार गरिरहेका छन् ।
तर रिपब्लिकन अधिकारीहरुले भने अन्य राज्यहरुमा उनीहरुको प्रयोग रोकेका छन्।
अमेरिकाका कोभिड १९ को संक्रमण बढेका राज्यहरुमा मेल इन ब्यालेट र ड्रप बक्सको प्रयोग निकै हुने अनुमान गरिएको छ ।
यसअघि पनि ट्विटरले अमेरिकाका राष्ट्रपति ट्रम्पको एउटा ट्वीटमा फ्याक्ट चेक लेबल लगाईदिएको थियो । त्यसको भाोलीपल्टै उनले सोशल मिडियाहरुको विरुद्धमा हुनेगरि कार्यकारी अधिकार जारी गरेका थिए । एजेन्सीका साथ
प्रकाशित: ८ भाद्र २०७७, सोमबार