सामसङले फ्ल्यागशिप डिभाइस ग्यालेक्सी नोट २० अल्ट्रा ५जी बंगलादेशमा पनि एसेम्बल गर्ने

Technology Khabar ४ भाद्र २०७७, बिहीबार

सामसङले फ्ल्यागशिप डिभाइस ग्यालेक्सी नोट २० अल्ट्रा ५जी बंगलादेशमा पनि एसेम्बल गर्ने
Classic Tech

दक्षिण कोरियाली टेक जायन्ट सामसङले आफ्नो हालै लन्च गरेको आफ्नो फ्ल्यागशिप डिभाइस ग्यालेक्सी नोट २० र नोट २० अल्ट्रा ५जी बंगलादेशमा पनि बनाउने भएको छ ।

कम्पनीले बंगलादेशमा फेयर ईलेक्ट्रोनिक्ससँग मिलेर स्थानिय स्तरमा एसेम्बल गर्न लागेको हो ।

बंगलादेशी मिडिया दि डेली स्टार डट नेटकाअनुसार सामसङले फेयर ईलेक्ट्रोनिक्सको स्टेट अफ आर्ट म्यानुफ्याक्चरिङ्ग प्लान्टमा ५जी डिभाइस बनाउने छ । यहाँ उत्पादित नोट २० सिरिजका फोनहरु सेप्टेम्बर मध्यमा स्थानिय बजारमा जाने बताईएको छ ।

सामसङले चीन, कोरिया, भारत, भियतनाम लगायतका देशहरुमा स्थानिय तहमा स्मार्टफोनहरु उत्पादन गर्ने गर्दछ ।

बंगलादेशमा स्थानिय तहमा नै एसेम्बल गर्दा करिब ३५ हजार बंगलादेशी टाका मूल्य सस्तो हुने र ग्राहकहरुले समेत सस्तोमा किन्न पाउने बताईएको छ ।

बंगलादेशमा सामसङको स्थानिय उत्पादक कम्पनी फेयर ईलेक्ट्रोनिक्ससले हाल सामसङका स्थानिय तहमा आवश्यक पर्ने सबै डिभाइसहरु उत्पादन गर्दै आएको छ ।

उत्पादक कम्पनीले सामसङको ५जी डिभाइस एसेम्बल गर्नका लागि मात्रै नयाँ लगानी गरेको रिपोर्टमा उल्लेख छ।

प्रकाशित: ४ भाद्र २०७७, बिहीबार

Comments are closed.

Loading...