विश्वमै सबैभन्दा धेरै ‘डिसलाईक’ पाउने तेस्रो भिडियोमा बलिउड सिनेमा ‘सडक-२’ को ट्रेलर

Technology Khabar ३२ श्रावण २०७७, आईतवार

विश्वमै सबैभन्दा धेरै ‘डिसलाईक’ पाउने तेस्रो भिडियोमा बलिउड सिनेमा ‘सडक-२’ को ट्रेलर
Classic Tech

गत साता मात्रै रिलिज भएको बलिउड सिनेमा सडक-२ को ट्रेलर विश्वमै सबैभन्दा बढि मन नपराईएको अर्थात डिसलाईक पाउने ट्रेलरमध्ये एक बनेको छ ।

पछिल्लो दिनमा बलिउड कलाकार सुसान्त सिंह राजपुतको निधनपछि बहसमा आएको नेपोटिजमको कारण युवा कलाकारहरु आलिया भट्ट र आदित्य रोय कपुर तथा बलिउड स्टार संजय दत्त अभिनित सिनेमाले धेरै डिसलाईक पाएको हो ।

यूट्यूबमा रिलिज भएको सो सिनेमाको ट्रेलरले पहिले दिनदेखि नै लाईक भन्दा बढि डिसलाईक पाउँदै आएको थियो । तर अहिले भने विश्वमा सबैभन्दा धेरै डिसलाईक भएको प्रमुख तेस्रो ट्रेलर भिडियो भएको छ ।

सो सिनेमा महेश भट्टको सन् १९९१ मा रिलिज भएको चर्चित सिनेमा सडकको सिक्वेलको रुपमा आएको हो । जसलाई भट्टले नै निर्देशन गरेका छन् ।

सो ट्रेलरले हालसम्म १ करोड भन्दा बढि डिसलाईक पाएको छ भने त्यसभन्दा अगाडि जस्टिन बिबरको बेबी भन्ने गीतले १ करोड १६ लाख डिसलाईक पाएको छ ।

सबैभन्दा बढि डिसलाईक पाउने भिडियोमा यूट्यूबले आफैं पोस्ट गरेको सन् २०१८ को समाप्तिको रिवाइण्ड अफ दि ईयर २०१८ रहेको छ । जसमा १ करोड ८२ लाख भन्दा बढि डिसलाईकहरु रहेका छन् ।

यसका साथै सडक-२ को ट्रेलर भारतको यूट्यूबमा भने सबैभन्दा धेरै मन नपराईएको अर्थात डिसलाईक पाउने भिडियो समेत भएको छ ।

सडक-२ यहि अगस्ट २८ मा हटस्टारमा रिलिज हुँदैछ । जसको ट्रेलर सार्वजनिक भएको करिब ४८ घण्टामा नै ९३ लाख भन्दा बढि डिसलाईक पाएको थियो । एजेन्सीका साथ

हेर्नुस् सडक-२ को ट्रेलर-

प्रकाशित: ३२ श्रावण २०७७, आईतवार

Comments are closed.

Loading...