शाओमीको पहिलो गेमिङ्ग नोटबुक रेडमी ब्राण्डमा, ठूला गेमहरु सहजै खेल्न सकिने ‘रेडमी जी’

Technology Khabar ३१ श्रावण २०७७, शनिबार

शाओमीको पहिलो गेमिङ्ग नोटबुक रेडमी ब्राण्डमा, ठूला गेमहरु सहजै खेल्न सकिने ‘रेडमी जी’
Classic Tech

शाओमीले आफ्नो पहिलो गेमिङ्ग नोटबुक रेडमी ब्राण्डमा सार्वजनिक गरेको छ । कम्पनीले रेडमी जी नाममा ल्याएको सो नोटबुकको मूल्य ४,९९९ यूआनबाट शुरु हुन्छ ।

रेडमीको पहिलो गेमिङ्ग नोटबुक नयाँ साइबरपंक डिजाइनमा रहेको छ जसमा गेमिङ्ग किबोर्ड रहेको छ । ल्यापटपमा १६.१ इन्चको १०० एआरजीबी फूल स्क्रीन रहेको छ भने यसको रिफ्रेश रेट १४४ हर्ज छ।

रेडमी जीमा दशौं पुस्ताको इन्टेल कोर प्रोसेसर छ भने जीटीएक्स १६५० सिरिजको ग्राफिक्स कार्ड रहेको छ जसले अधिक ग्राफिक्स भएको ठूला गेमहरु खेल्न सकिन्छ।

शाओमी रेडमी जी गेमिङ्ग ल्यापटपमा ४जीबीको डिडिआर६ भिडियो मेमोरी राखिएको छ जसले तिब्रगतिमा ग्राफिक्स रेण्डर गर्न सक्दछ भने भिडियो एडिटिङ्ग, ग्राफिक डिजाइन र कोड प्रोग्रामिङ्गको लागि समेत उपयोगी हुनेछ ।

यसमा ५१२ जीबीको हार्ड ड्राइभ छ भने ल्यापटपमा १६जीबीको डिडिआर४ र्याम राखिएको छ ।

यसमा ड्यूल एम.२ एसएसडी स्टोरेज इन्टरफेस छ जसले गर्दा २ टेराबाइटसम्मको हार्ड डिस्क बढाउन सकिन्छ । त्यसैगरि मेमोरीलाई समेत ६४जीबीसम्म बढाउन सकिन्छ ।

गेमिङ्ग नोटबुकमा फूल स्पीड मोड, ब्यालेन्ड मोड र क्वाइट मोड रहेको छ । यसमा तातोपनालाई क मगर्न हुरिकेन हिट डिसिप्यासन २.० सिस्टम प्रयोग गरिरहेको छ ।

यसले वाईफाई ६ सपोर्ट गर्दछ भने यसमा २ह२ मिमो ड्यूल एन्टेना डब्लूल्यान टेक्नोलोजी प्रयोग गरिएको छ । यसका साथै रेडमी जी मा यूएसबी टाइप सी, यूएसबी ३.१, यूएसबी २.०, एचडिएमआई २.०, ३.५ एमएम हेडफोन ज्याक राखिएको छ ।

शाओमीको रेडमी जी गेमिङ्ग नोटबुक शुक्रबारदेखि नै बजारमा बिक्री शुरु भएको छ तर आधिकारीकरुपमा भने अगस्ट १७ देखि उपलब्ध हुनेछ ।

यो रेडमी जी गेमिङ्ग नोटबुक चीन भन्दा बाहिरको बजारमा कहिले आउँछ भन्ने जानकारी छैन् । एजेन्सीका साथ

प्रकाशित: ३१ श्रावण २०७७, शनिबार

Comments are closed.

Loading...