ट्विटरको नयाँ फीचर सार्वजनिक, अब आफ्नो ट्वीटमा जवाफ दिने व्यक्ति आफैँ छनौट गर्नुस्

Technology Khabar २८ श्रावण २०७७, बुधबार

ट्विटरको नयाँ फीचर सार्वजनिक, अब आफ्नो ट्वीटमा जवाफ दिने व्यक्ति आफैँ छनौट गर्नुस्
Classic Tech

ट्विटर इंकले मंगलबार नयाँ फीचर सार्वजनिक गरेको छ, जसले यसको प्रयोगकर्ताहरूलाई उनीहरूको ट्वीटहरुमा कति व्यक्तिले जवाफ दिन सक्दछन् भनेर सीमित गर्न अनुमति दिनेछ ।

ट्विटरका एकाउन्ट यूजरहरुलाई उनीहरूको पृष्ठमा कुराकानीमा बढी नियन्त्रण प्रदान गर्ने गरि नयाँ सुविधा ल्याएको हो ।

‘निर्वाचित अधिकारीहरूसहित अरु सबै एकाउन्ट होल्डरहरुले अब नयाँ ट्वीट लेख्दा जवाफ दिन अनुमति दिइने व्यक्तिहरू छनौट गर्न सक्छन्,’ ट्विटरले भनेको छ ।

प्रयोगकर्ताहरूले जवाफ लिने तीन समूहबाट छनौट गर्न सक्दछन् जसमा सबैजना, केवल पछ्याएका व्यक्तिहरू र केवल ती व्यक्तिहरू जसले ट्वीटमा मेन्सन गर्दछन् मध्येबाट छान्न सकिनेछ ।

माइक्रोब्लगिंग साइटले गएको मेमा यो फीचरको परीक्षण सुरू गरेको थियो । कम्पनीकाअनुसार सबै प्रयोगकर्ताहरूले पोष्टहरू मनपराउन र रिट्वीट गर्न जारी राख्न सक्दछन्, तर तिनीहरूले लेखकद्वारा बहिष्कृत गरिएको भए जवाफ दिन सक्दैनन्।

यो सुविधाले ट्विटर प्रयोगकर्ताहरूलाई राम्रो कुराकानी गर्न सक्षम गर्दछ र अनलाईनमा ट्रालहरू र दुर्व्यवहार गर्नेहरूको लागि उनीहरूको प्रदर्शनी सीमित गर्ने कम्पनीको भनाई छ।

एउटा सानो ग्लोब आइकन तपाईंको ट्वीटको तल देखा पर्नेछ, र यदि तपाईंले केही गर्नुभएन भने सबैजनाले तपाईँको ट्वीटको जवाफ दिन सक्षम हुनेछन्- यो पूर्वनिर्धारित विकल्प हो। तर त्यसमा तपाईँले अप्सन छनौट गर्न सक्नुहुनेछ ।

नयाँ फीचरअनुसार यदि कसैले त्यसमा रिप्लाई गर्न नसकेपनि सो व्यक्तिले तपाईँको ट्वीट हेर्न, तपाईँको ट्वीट लाइक गर्न र रिट्वीट गर्न सक्नेछ। एजेन्सीका साथ

प्रकाशित: २८ श्रावण २०७७, बुधबार

Comments are closed.

Loading...