भारतबाट सामाजिक संजालमा ट्रेण्डिङ्गमा परेको #विनोद, नेपाली कम्पनीहरु भने नक्कल गर्दै

Technology Khabar २७ श्रावण २०७७, मंगलवार

भारतबाट सामाजिक संजालमा ट्रेण्डिङ्गमा परेको #विनोद, नेपाली कम्पनीहरु भने नक्कल गर्दै
Classic Tech

विगत केहि दिनदेखि सामाजिक संजालमा बिनोद नाम निकै चर्चामा रहेको छ । अधिकांशले विनोद नामलाई सामाजिक संजालमा प्रयोग गरिरहेका छन भने विनोदको नाममा विभिन्न मिम्स पनि तयार भएका छन् ।

तर ती अधिक मात्रामा भने भारतमा तयार भएका हुन् । भारतबाट शुरु भएको विनोद नामको ट्रेडिङ्गग अहिले निकै चर्चामा रहेको छ । तर यसको नेपालसँग कुनै साइनो र सम्बन्ध भने छैन् ।

भारतमा एक विनोद नामका व्यक्तिलाई मजाक बनाईएसँगै शुरु भएको सो शब्दको प्रयोग अहिले भारतमा निकै चर्चामा रहेको छ । जसमा सबैभन्दा धेरै ट्विटरमा प्रयोग भईरहेको देखिन्छ ।

विनोद नामका एक व्यक्तिले अन्य यूट्यूब च्यानलहरुमा कमेन्ट सेक्सनमा विनोद लेख्ने गरेको विषयलाई एक यूट्यूबरले हसीँ मजाकको विषय बनाएसँगै भाईरल भएको सो नाम र शब्द नेपालका कम्पनीहरुले पनि प्रयोग गर्न शुरु गरेका छन् ।

नेपाली कम्पनीहरुले अधिकांश अन्यको सिको गर्ने र नक्कल गर्दै आएको तर आफ्नो सिर्जनात्मकता दिन नसकिरहेको अवस्थामा अहिले भारतीय ट्रेन्डिङ्ग र प्रयोगमा आएको #विनोद नामलाई आफ्नो सिर्जनात्मकता भन्दै प्रयोग गरिरहेको देखिन्छ ।

तर त्यसले कतै हामी भारतको सूचना प्रविधि र सिर्जनात्मकता भित्र नै रुमल्लिरहेका त छैनौं भन्ने प्रश्न उब्जाएको छ ।

सूचना प्रविधिको क्षेत्रमा नै काम गरिरहेका एक व्यवसायीले भारतको नक्कल हरेक क्षेत्रमा गर्ने प्रवृत्तिले गर्दा नेपाली सिर्जनात्मकता हराउने आशंका व्यक्त गरे ।

‘विनोद भारतबाट शुरु भएको शब्द हो र हाल यो ट्रेण्डिङ्गमा छ । हामीले पनि त्यस्तै मौलिक सिर्जना ट्रेण्डिङ्गमा ल्याउन सक्दैनौं र ? तर नेपाली कम्पनीहरु त्यसैलाई फलो गरिरहेको देखिन्छ,’ उनले भने ।

भारतको सोहि नाम र शब्दलाई प्रयोग गरेर नक्कल गर्दै नेपालको मौलिक कम्पनीहरु भएको दाबी गर्ने कम्पनीहरुले समेत त्यसैलाई पछ्याएको देखिन्छ ।

जसमा सबैभन्दा अगाडी डिजिटल वालेट खल्ती रहेको छ भने त्यसैलाई अर्को कम्पनी एनआईसी एशिया बैंकले पछ्याएको देखिन्छ ।

त्यसैगरि यसलाई प्रयोग गर्नेमा शाओमी नेपाल रहेको देखिन्छ । शाओमी नेपालका जनरल म्यानेजर शौरभ कोठारीले यसको प्रयोग गरेको देखिन्छ भने त्यसलाई कम्पनीले पछ्याएको छ ।

प्रकाशित: २७ श्रावण २०७७, मंगलवार

Comments are closed.

Loading...