ह्वाट्सएप एकैपटक चार डिभाइसहरुमा चलाउन सकिने, हाल परीक्षण गरिँदै

धेरैजसो व्यक्तिहरू सम्पर्कमा रहनका लागि व्हाट्सएपको प्रयोग गर्ने गर्छन्। ह्वाट्सएपले लगातार प्रयोगकर्ताहरूका लागि नयाँ अपडेट ल्याउँछ।

हालसालै एउटा खबर आएको छ जसले देखाउँदछ कि ह्वाट्सएपले नयाँ फिचरमा काम गरिरहेको छ, जसमा एकैसाथ ४ बिभिन्न डिभाइसहरूमा ह्वाट्सएप खाता चलाउन सकिन्छ।

अहिले एक ह्वाट्सएप एकाउन्ट एक डिभाइसमा मात्र प्रयोग गर्न सकिन्छ।

वास्तवमा, डब्लूएबीटाइन्फोले दिएको जानकारीअनुसार हाल मल्टिपल डिभाइस फीचरको लागि काम तिब्रगतिमा हुँदैछ । डब्लूएबीटाइन्फोको जानकारीका अनुसार धेरै प्रयोगहरू एन्ड्रोइड एप र आईओएसमा नयाँ इन्टरफेस ल्याउनका लागि भइरहेको छ।

डब्लूएबीटाइन्फोका अनुसार यस सुविधाको उपलब्धतापछि प्रयोगकर्ताले अर्को उपकरणमा ह्वाट्सएप प्रयोग गर्नु अघि च्याट हिस्ट्रिको कपी गर्नुपर्नेछ।

डाटा कपी गर्दा यसले अधिक डाटा लिन सक्दछ, जसका लागि ह्वाट्सएपलाई वाइफाइ कनेक्सनका साथ जडान गर्न आवश्यक पर्दछ।

वाइफाइ कनेक्सनमा जोडिएपछि मात्र मल्टिपल डिभाइस सुविधाहरूको लागि प्रक्रिया सुरू हुन्छ। डब्लूएबीटाइन्फोकाअनुसार, परीक्षणको लागि ह्वाट्सएप डेस्कटप प्रयोग गरिएको छ। भविष्यमा, यसले अन्य मोबाइल उपकरणहरूमा पनि काम गर्न सक्षम हुनेछ। एजेन्सीका साथ