सामसङको कर्ड माएस्ट्रो रेफ्रिजेरेटर नेपालमा, जसले सहजै दही बनाउँछ

Technology Khabar २५ श्रावण २०७७, आईतवार

सामसङको कर्ड माएस्ट्रो रेफ्रिजेरेटर नेपालमा, जसले सहजै दही बनाउँछ
Classic Tech

कन्ज्युमर इलेक्ट्रोनिक्स ब्राण्ड सामसङले हालै नेपाली बजारमा कर्ड माएस्ट्रो रेफ्रिजेरेटर उपलब्ध गराएको छ ।

यस रेफ्रिजेरेटर विश्वकै पहिलो हो जसले खानेकुरालाई सुरक्षित मात्र राख्दैन यसले खानेकुरा तयार समेत गर्दछ ।

यसबाट दैनिकरुपमा आफ्नो आवश्यकता अनुसार दही आफैले घरैमा बनाउन सकिन्छ ।

विभिन्न परिकारहरुसँगै नेपालका सम्पूर्ण क्षेत्रमा दही एक विशेष परिकारका रुपमा लिइन्छ र दहीको खपत अधिक रहेको छ । कर्ड माएस्ट्रो (Curd Maestro™) सामसङको एक नयाँ प्रविधि हो । यो प्रविधिले नेपाली समाजमा अत्यावश्यक रहेको दही सहजै निर्माण गर्न सकिन्छ । नेपालीहरुको यस्तै आवश्यकतालाई मध्यनजर गर्दै नेपालमा यो फ्रिजको बिक्री बितरण गरिएको कम्पनीले जानकारी दिएको छ ।

कर्ड माएस्ट्रोले पाँच देखि ६ घण्टामा सहजै दही तयार गर्न सक्दछ–यसमा पाँच घण्टामा पातलो र ६ घण्टामा बाक्लो दही बनाउन सकिन्छ । कर्ड माएस्ट्रोबाट कन्टेनरलाई झिक्नुहोस्, त्यसमा मनतातो दुध राख्नुहोस् र केही कल्चर राम्ररी घोलेर पुनः त्यस कन्टेनरलाई कर्ड माएस्ट्रोमा राख्नुहोस् । यस पछि कर्ड अप्सनलाई छनौट गर्नुहोस् ।

कर्ड माएस्ट्रो रेफ्रिजेरेटरले आवश्यक फर्मेन्टेशन गरी दही बनाउन आवश्यक तापक्रम सिर्जना गर्दछ र मीठो दही तयार गर्ने कम्पनीको दाबी छ ।

कर्ड माएस्ट्रोले जस्तोसुकै मौसममा पनि एकनाशको दही बनाउन सक्दछ । यो कर्ड माएस्ट्रो रेफ्रिजेरेटर २५३ लिटर र ३१५ लिटरमा उपलब्ध रहेको छ ।

यो स्मार्ट कन्भर्टेवल ५ इन १ टुइन कुलिङ्ग रेफ्रिजेनेरेटर विभिन्न पाँच मोड– नर्मल, एक्ट्र सपिङ्ग, भ्याकेशन, सिजनल तथा होम अलोन उपलब्ध रहेका छन् । यो कन्भर्टेवल मोडेलहरुमा विद्युत खपत पनि न्यूनतम मात्र हुन्छ ।

यो कन्भर्टेवल मोडेलहरुमा भएको Twin Cooling Plus™ स्वतन्त्र कुलिङ्ग सिस्टम हो, यसको फ्रिज र फ्रिजरमा छुट्टा छुट्टै एयर फ्लो हुन्छ । कम्पनीकाअनुसार जसले गर्दा फ्रिज र फ्रिजर बीच खानेकुरा झिक्ने र राख्ने गर्दा उत्पन्नहुन सक्ने गन्ध रहँदैन्।

कर्ड माएस्ट्रो रेफ्रिजेरेटर सामसङका आधिकारिक बिक्रेताहरु हिम इलेक्ट्रोनिक्स तथा त्रिवेणी ब्यापारमार्फत अगस्ट २०२० देखि उपलब्ध भएको छ ।

कर्ड माएस्ट्रो रेफ्रिजेरेटरका मोडेलहरु रु. ६३,९९० देखि रु ७८,९९० सम्ममा खरिद गर्न सकिने कम्पनीले जनाएको छ।

प्रकाशित: २५ श्रावण २०७७, आईतवार

Comments are closed.

Loading...