माइक्रोसफ्ट पछि ट्विटर पनि टिकटक खरीद गर्ने योजनामा, शुरुवाती चरणको वार्ता

माइक्रोसफ्ट पछि ट्विटर इंक अब चीनको कम्पनी बाइटडान्सको स्वामित्वमा रहेको सर्ट भिडियो शेयरिङ्ग एप (अनुप्रयोग) टिकटक खरीद गर्ने योजनामा ​​छ।

यो जानकारी अमेरिकी शेयर बजार डाउ जोन्सको रिपोर्टबाट प्राप्त भएको छ जसमा यो भनिएको छ कि ट्विटरले यस सम्झौताको बारेमा टिकटकसँग शुरुवाती चरणको वार्ता गरिसकेको छ।

चिनियाँ एप टिकटकलाई अमेरिकाले प्रतिबन्ध लगाएको छ र अमेरिकी व्यवसाय किनबेच गर्नको लागि ४५ दिनको समय दिएको छ ।

प्रतिवेदनकाअनुसार यो कुरा स्पष्ट छैन कि ट्विटर सम्झौतामा टिकटकका अमेरिकी अपरेसनहरू सामेल छन् वा छैनन्।

भनिन्छ कि यो सम्झौता ट्विटरको लागि यति सजिलो हुनेछैन, किनकि ट्विटर यसको लागि निकै सानो कम्पनी हो।

यस छलफलसँग परिचित व्यक्तिहरूले डाउ जोन्सलाई भने कि २९ अर्ब डलरको कम्पनी ट्विटरले यो सम्झौतालाई सफल बनाउन अन्य लगानीकर्ताहरूको सहारा लिन सक्छ।

ट्विटरका सीईओ ज्याक डोर्सीले छोटो भिडियो अनुप्रयोग ‘भाइन एप’ यसअघि नै विश्व बजारमा प्रस्तुत गरिसकेका छन्, जुन चार बर्ष पछि २०१६ मा बन्द गर्नुपर्‍यो।

यसअघिदेखि नै अर्को टेक कम्पनी माइक्रोसफ्ट कर्पोरेशनले टिकटकको अमेरिकी संचालन खरिद गर्ने बारे कुराकानी गरिरहेको छ ।

गत साता कम्पनीले टिकटकको अमेरिका, क्यानाडा र अष्ट्रेलिया र न्यूजिल्याण्डको बिजनेस किन्ने योजनामा रहेको बताएको थियो । एजेन्सीका साथ