विश्वको पहिलो अन्डर स्क्रिन क्यामरा फोन सार्वजनिक गर्ने योजनामा शाओमी

काठमाडौं ।

स्मार्टफोन निर्माता कम्पनी शाओमी यस्तो स्मार्टफोनमा काम गरिरहेको छ जसको डिजाइनले सबैलाई चकित पार्न सक्छ।

रिपोर्टका अनुसार कम्पनीले विश्वको पहिलो अण्डर डिस्प्ले क्यामरायुक्त फोन ल्याउन लागेको छ।

वास्तवमा, शाओमी चीनमा आफ्नो १० औं वार्षिकोत्सव मनाउन गईरहेको छ। यस अवसरमा, कम्पनीले अगस्त ११ मा धेरै उत्पादनहरू लन्च गर्ने योजना राखेको छ।

शाओमीका सीईओ ली जुनले भने कि यी स्मार्टफोनहरू मध्ये एउटा एमआई १० अल्ट्रा हुनेछ। विशेष क्यामरा यस फोनमा फेला पार्न सकिन्छ।

यसअघि चर्चित टिपस्टर आइस यूनिभर्सले एमआई १० अल्ट्राले विश्व आश्चर्यचकित पार्ने बताएका थिए। यद्यपि उनले यसको कारण भने भनेका थिएनन तर त्यहि बेलामा अर्को टिपस्टर रोस यंगले सो डिभाइसमा एक अन्डर डिस्प्ले क्यामरा हुने बताए । यदि रोसकाअनुसार यसको निकै सीमित एकाईहरू मात्र बनाइने छ र यो डेमो उत्पादन हुनेछ।

रिपोर्टका अनुसार फोनको बेस भेरियन्टले ८ जीबी र्यामका साथमा २५६जीबी भण्डारण हुनेछ भने टप भेरिएन्टमा १६ जीबी र्यामको साथ र ५१२ जीबीको स्टोरेज उपलब्ध हुन सक्दछ। चीनमा यस फोनलाई अर्कै नाममा ल्याउन सकिने बताईएको छ ।

फोनले एक १२० हर्जको फूल एचडी प्लस रिजोलुशन भएको डिस्प्ले हुनेछ। क्वालकम स्न्यापड्रागन ८६५ प्लस प्रोसेसर यसमा राखिनेछ ।

फोनले ४,५०० एमएएचको ब्याट्री पाउनेछ जसले १००/१२० वाटको फास्ट वायर्ड चार्जिंग र ५५ वाटको वायरलेस चार्जिंग सपोर्ट गर्न सक्दछ। एजेन्सी