डाटा संकलन विवादमा परेको शाओमीको एमआई ब्राउजर प्रो भारतमा प्रतिबन्धित

Technology Khabar २१ श्रावण २०७७, बुधबार

डाटा संकलन विवादमा परेको शाओमीको एमआई ब्राउजर प्रो भारतमा प्रतिबन्धित
Classic Tech
Nepal Telecom

प्रयोगकर्ताहरुको डाटा अत्यधिक लिईरहेको आरोप भोगिरहेको शाओमीको एमआई ब्राउजर प्रोलाई भारतमा प्रतिबन्ध लगाईएको छ ।

सो ब्राउजरलाई हालै पछिल्लो समयमा भारतले थपेको प्रतिबन्धित चिनियाँ एप्सको सूचीमा समेत समावेश गरिएको थियो ।

यो त्यहि एमआई ब्राउजर हो जो शाओमी र रेडमी स्मार्टफोनहरुमा प्री-इन्स्टल गरेर आउने गर्दछ । यसका साथै गूगल प्ले स्टोरमार्फत डाउनलोड गर्ने अप्सन समेत रहेको छ जसलाई अब एप स्टोरबाट समेत हटाईएको छ ।

भारतीय मिडिया रिपोर्टअनुसार सो एमआई ब्राउजरलाई चिनियाँ एप प्रतिबन्ध गर्ने नीतिअन्तरगत प्रतिबन्ध लगाईएको हो ।

यसअघि पनि सो ब्राउजरको बारेमा सेवाग्राहीहरुले निकै आलोचना गर्दै आएका थिए । जसमा असम्बन्धित विज्ञापनहरु यूजरलाई निरन्तर देखाउने गरिन्थ्यो ।

यसअघि पनि सो ब्राउजर एप विवादमा परेको थियो । अन्तराष्ट्रिस्तरमै कम्पनीको सो एप विवादमा पर्नुमा इन्कोग्निटो मोडमा पनि यूजरको डाटाहरु संकलन गर्ने पत्ता लागेको थियो । यो एक प्रकारले डाटा चोरी भएको त्यसबेला साइबर सेक्यूरिटी अनुसन्धाकर्ताहरुले बताएका थिए ।

जबकी इन्कोग्निटो मोड भन्नाले आधारभूतरुपमा प्राइभेट ब्राउजिङ्ग ट्याब हो जसमा ब्राउजर हिस्ट्री, कुकिज, डाटाहरु कहिले पनि रेकर्ड हुँदैन् । तर यसलाई इन्टरनेट सेवा प्रदायकहरुले भने ट्र्याक गर्न सक्दछन् ।

कम्पनीले त्यसबेला समेत आफूहरुले डाटा संकलन नगरेको बताएको थियो । तर पछि सो स्वीकार गर्दै ब्राउजर भित्र ग्राहकहरुलाई यूजर एक्सपेरियन्स प्रोग्रामको लागि डाटा दिने वा नदिने भन्ने निर्णय गर्न सकिने अप्सन राखेको थियो ।

अहिलेको प्रतिबन्धमा कम्पनीले भारतीय कानूनअनुसार डाटा प्राइभेसी र सेक्यूरिटी मापदण्ड पालना गरेको दाबी गरेको छ ।

कम्पनीका प्रवक्ताले भारतीय समाचारपत्र इकोनोमिक टाइम्ससँग कुरा गर्दै सो बारेमा प्रमुख साझेदारहरुसँग सम्पर्कमा रहेको र विषयलाई सम्बोधन गर्ने बताएका छन् । एजेन्सीका साथ

TK Viber

प्रकाशित: २१ श्रावण २०७७, बुधबार

Loading...