चिनियाँ स्मार्टफोन ब्राण्ड भीभोबाट भारतमा आईपीएलको मुख्य प्रायोजन खोसियो

Technology Khabar २० श्रावण २०७७, मंगलवार

चिनियाँ स्मार्टफोन ब्राण्ड भीभोबाट भारतमा आईपीएलको मुख्य प्रायोजन खोसियो
भीभो नेपालको कार्यालयमा राखिएको कम्पनी ब्राण्ड नाम ।
Classic Tech

भारतमा क्रिकेटको सबैभन्दा ठूलो प्रतिस्पर्धा इण्डियन प्रीमियर लीग(आईपीएल)को शिर्ष प्रायोजक रहेको कम्पनी भीभोको टाइटल स्पोन्सरशिप फिर्ता लिईएको छ ।

भारतीय क्रिकेट कन्ट्रोल बोर्ड(बीसीसीआई)ले चिनियाँ मोबाइल कम्पनी भीभोसँग रहेको टाइटल स्पोन्सरशिप छिनेको हो ।

भारतीय मिडियाहरुमा आएका रिपोर्टहरुकाअनुसार सन् २०२२ सम्म भएको भीभोसँगको करार सम्झौता हाल समाप्त गरिएको छ । तर यो बारेमा बोर्डले आधिकारीक घोषणा भने गरेको छैन् ।

सो सम्झौताअन्तरगत बोर्डले भीभोबाट प्रत्येक वर्ष करिब ४४० करोड भारु प्राप्त गर्दछ ।

अब बीसीसीआईले नयाँ टाइटल स्पोन्सरको खोजी गर्न थालेको बताईएको छ । जसमा भारतीय कम्पनी र अमेरिकी कम्पनीहरुसँग कुराकानी भईरहेको स्रोतलाई उदृत गर्दै आएका रिपोर्टहरुमा बताईएको छ ।

आईतवार भएको गर्भर्निङ्ग काउन्सिलको बैठकमा भीभोको साथ करार सम्झौता जारी राख्ने निर्णय गरिएको थियो र त्यसपछि सबै फ्रेन्चाईजहरुको साथ बैठक भएको थियो ।

अधिकांश फ्रेन्चाइजीले सो बारेमा नकारात्मक धारणा राखेसँगै बीसीसीआईले सो निर्णय लिएको मिडिया रिपोर्टहरुमा उल्लेख छ । जसमा पछिल्लो दिनमा भएको चीन र भारतको सिमा बिबादलाई आधार मानिएको छ । जसले गर्दा बीसीसीआईलाई समेत दबाब परेको बताईएको छ ।

कोभिड १९ महामारीका कारण भारतमा अझै समस्याग्रस्त हुँदा यो वर्ष आईपीएस १९ सेप्टेम्बरदेखि १० नोभेम्बरसम्म यूएईमा आयोजना हुँदैछ ।
यसअघि भारतले टिकटकसहित करिब १०० एप्सलाई प्रतिबन्ध लगाईसकेको छ ।

रिपोर्टहरुकाअनुसार गत वर्षमात्रै भीभोले भारतमा आईपीएलको लागि २,१९९ करोड भारु खर्च गरेको थियो ।

विश्वको दोस्रो ठूलो मोबाइल तथा स्मार्टफोन बजार भारतमा आईपीएल प्रायोजनका साथ भीभोले बजारमा आफ्नो हिस्सा बढाउँदै लगेको थियो ।

प्रकाशित: २० श्रावण २०७७, मंगलवार

Comments are closed.

Loading...