सामसङले विकास गरिरहेको सिक्स जी प्रविधि बारेको स्वेत पत्र जारी

Technology Khabar ३ श्रावण २०७७, शनिबार

सामसङले विकास गरिरहेको सिक्स जी प्रविधि बारेको स्वेत पत्र जारी
Classic Tech

दक्षिण कोरियाली कम्पनी सामसङले सिक्स जी इन्टरनेटको विकासमा बारेमा आफूले गरिरहेको काम बारेमा स्वेत पत्र जारी गरेको छ। सो स्वेत पत्रले सामसङको ६जी बारेको दृष्टिकोणलाई स्पष्ट पार्नेछ ।

सन् २०२८ भित्रमा सिक्स जी इन्टरनेट संरचनाको विकास सम्पन्न भई व्यवसायिकरुपमा प्रयोगमा ल्याउने अपेक्षा सामसङको रहेको छ । सन् २०३० सम्ममा विश्वभर आमरुपमा सिक्स जी इन्टरनेट प्रयोग हुनेछ ।

सामसङले सन् २०१९ को मे महिनामा एडभान्स्ड कम्युनिकेसन्स रिसर्च सेन्टरको स्थापना गरी सिक्स जी इन्टरनेटको विकासमा काम सुरु गरेको थियो ।

सो रिसर्च सेन्टरले सिक्स जी इन्टरनेटको भविष्यका विषयमा जानकारी दिँदै ६जीले नविनतम एप्लिकेसनहरु प्रयोग गर्न सहज हुने बताईएको छ। जसमा एक्सटेन्डेड रियालिटीलगायत हुनेछ ।

सामसङका अनुसार सन् २०३० सम्ममा विश्वका ५ खर्ब डिभाइसमा सिक्स जी इन्टरनेट जोडिएको हुनेछ । त्यसबेलासम्ममा मोबाइल फोनहरु विभिन्न स्वरुप तथा प्रविधिका साथमा उपलब्ध हुनेछन् जसमा अग्मेन्टेड रियालिटी ग्लास, भर्चुअल रियालिटी हेडसेड तथा होलोग्राम लगायत रहनेछन् ।

सिक्स जी कनेक्टिभिटीको पिक डाटा रेट १ हजार गिगाबिट प्रतिसेकेण्ड हुने अपेक्षा गरिएको छ । यो स्पिड फाइभ जी को भन्दा ५० गुणा धेरै हो । फाइभ जी को पिक डाटा स्पिड २० गिगाबिट प्रति सेकेण्ड रहेको छ।

त्यसैगरि लेटेन्सी रेट समेत ५जीको भन्दा ९० प्रतिशत घटाउने अपेक्षा गरिएको छ ।

सिक्स जीको प्रयोगसँगै वायरलेस कम्युनिकेसन प्रविधिमा आर्टिफिसियल इन्टेलिजेन्सको प्रयोग हुने अपेक्षा गरिएको भने नेटवर्क कभरेज विस्तार गर्नका लागि सिक्स जी नेटवर्कमा टेराहर्ज फ्रिक्वेन्सी ब्याण्डको प्रयोग गरिनेछ । एजेन्सी

प्रकाशित: ३ श्रावण २०७७, शनिबार

Comments are closed.

Loading...