एनसेलले अवधिभित्रै बुझायो दूरसञ्चार प्राधिकरणलाई तिर्नुपर्ने साढे १० लाख रुपैयाँ जरिवाना

Technology Khabar २३ असार २०७७, मंगलवार

एनसेलले अवधिभित्रै बुझायो दूरसञ्चार प्राधिकरणलाई तिर्नुपर्ने साढे १० लाख रुपैयाँ जरिवाना
Classic Tech

नेपाल दूरसञ्चार प्राधिकरणले विभिन्न विषयहरुमा एनसेललाई गरेको जरिवाना बापतको साढे १० लाख रुपैयाँ कम्पनीले समयमा नै तिरेको छ ।

प्राधिकरणले गएको महिनामा एनसेल प्रालिलाई विभिन्न भ्यालू एडेड सर्भिसहरु अनुमति बिना संचालन गरेको र प्राधिकरणको निर्देशन नमानेको भन्दै कारबाहीसहित जरिवाना गर्ने निर्णय गरेको थियो ।

जसमा तीन छुट्टाछुट्टै निर्णयअनुसार १० लाख ५० हजार रुपैयाँ जरिवाना गर्ने निर्णय थियो।

सोहि आधारमा एनसेलले आफूले प्राधिकरणलाई बुझाउनुपर्ने जरिवाना अघिल्लो साता तिरेको प्राधिकरणका एक अधिकारीले जानकारी दिए ।

‘कारबाहीसहित रकम बुझाउन पत्र पठाएको ३५ दिनभित्र रकम तिर्नुपर्ने हुन्छ र एनसेलले समयभित्रै जरिवानाको रकम बुझाएको छ,’ ती अधिकारीले भने ।

प्राधिकरणले भ्यालु एडेड सर्भिस लभ डिटेक्टर र  ‘भ्वाईस म्याजिक’ अनुमति नलिई संचालन गरेको भन्दै एनसेललाई ५ लाख जरिवाना गर्ने निर्णय गरेको थियो ।

त्यस्तै एनसेललाई अनुमतिपत्रको शर्त विपरित विभिन्न अफरहरु संचालन गरेको भन्दै अर्को ५ लाख रुपैयाँ अर्को जरिवाना गरिएको थियो ।

यसबाहेक एनसेललाई थप ५० हजार रुपैयाँ पनि जरिवाना गरिएको थियो । जसमा कम्पनीले ‘भास’ एप प्रयोग गर्दा ग्राहकहरुलाई स्वचालितरुपमा सेवा शुरु हुने तर स्वचालितरुपमा सेवा बन्द गर्ने प्रणाली नराखेकोमा कारबाही गरिएको थियो ।

यो पनि हेर्नुस्-

ग्राहकलाई ‘भास’ सर्भिस लगायतमार्फत ठगि गरेको भन्दै एनसेललाई साढे १० लाख रुपैयाँ जरिवाना

TK Viber

प्रकाशित: २३ असार २०७७, मंगलवार

Loading...