कर्जा सूचना केन्द्रको डाटा स्टोरेज कक्षमा अनुमति बिना प्रवेश गरेमा समेत दण्ड जरिवाना

Technology Khabar १४ असार २०७७, आईतवार

कर्जा सूचना केन्द्रको डाटा स्टोरेज कक्षमा अनुमति बिना प्रवेश गरेमा समेत दण्ड जरिवाना
सांकेतिक

सरकारले स्थापना गर्ने कर्जा सूचना केन्द्रको डाटा भण्डार कक्षमा अनुमति बिना प्रवेश गरेमा समेत जरिवाना तिर्नुपर्ने कानून सरकारले ल्याउन लागेको छ ।

हालै अर्थ मन्त्रालयले संसदमा दर्ता गरेको कर्जा सूचना ऐन सम्बन्धि विद्येयकअनुसार कर्जा सूचना केन्द्रको सूचना अभिलेख चोरी गरेमा तथा विगारेमा समेत अपराध ठहर गर्ने भएको छ ।

सो विद्येयकको दफा ४२ मा कसुर अन्तरगत कर्जा सूचनाको अभिलेख तथा सोको सुरक्षाको लागि प्रयोग गरिएका यन्त्र उपकरण(कम्प्युटर, कम्प्युटर सर्भर, सफ्टवेयर) चोरी गरेमा, बिगारेमा वा नष्ट गरेमा अपराधको कसुर हुने उल्लेख छ ।

त्यसैगरि सोहि दफाको उपदफा ख मा केन्द्रको सूचना भण्डार डाटाबेसमा गैरकानूनी तबरले कुनै सूचना थपेमा, हटाएमा, बिगारेमा वा नष्ट गरेमा समेत दण्ड जरिवाना गर्ने लेखिएको छ ।

यसका साथै केन्द्रको सूचना भण्डार गरिएको कक्षमा अनधिकृत रुपमा प्रवेश गरेमा वा कुनै तरिकाले कर्जा सूचनामा अनधिकृत पहुँच राख्ने प्रयास गरेमा त्यसललाई समेत कसुर मानिनेछ ।

प्रस्तावित विद्येयककाअनुसार त्यस्तो कसूर गर्नेलाई १ वर्षसम्म कैद वा एक लाख रुपैयाँसम्म जरिवाना वा दुबै सजाय हुने व्यवस्था राखिएको छ ।

त्यसमाथि त्यस्तो कार्य गर्ने व्यक्ति केन्द्रको पदाधिकारी वा कर्मचारी भएमा थप दण्ड जरिवाना हुने व्यवस्था गरिएको छ । जसमा तीन वर्षसम्म कैद वा ३ लाख रुपैयाँसम्म जरिवाना वा दुबै सजाय हुने छ ।

सो विद्येयक हालै मन्त्रालयले प्रतिनिधिसभामा दर्ता गरेको छ ।

प्रकाशित: १४ असार २०७७, आईतवार

Leave a Reply

Loading...