हिमालय एयरलाइन्स र ह्वावेबिच सम्झौता पत्रमा हस्ताक्षर, ह्वावेको क्लाउड र एआई प्रयोग गर्ने

Technology Khabar १४ असार २०७७, आईतवार

हिमालय एयरलाइन्स र ह्वावेबिच सम्झौता पत्रमा हस्ताक्षर, ह्वावेको क्लाउड र एआई प्रयोग गर्ने

हिमालय एयरलाइन्स र ह्वावेले आज ललितपुरस्थित ह्वावे टेक्नोलोजिज नेपालको कार्यालयमा सहकार्य सम्झौता ज्ञापनपत्रमा हस्ताक्षर गरेका छन् ।

हिमालय एयरलाइन्सका सीईओ जोउ एन्योङ्ग र ह्वावे टेक्नोलोजिज नेपालका सीईओ डेंग शुइगेनले सम्झौता पत्रमा हस्ताक्षर गरे ।

सो कार्यक्रममा जांग फ्यान, नेपालमा चिनियाँ दूतावासका वाणिज्य सल्लाहकार, वांग पिंग, तिब्बत स्वायत्त क्षेत्रको वाणिज्य विभागको उप महानिर्देशक, जन गणतान्त्रिक चीन, जउ डन्जिन, ह्वावे एशियन प्यासिफिक क्षेत्र क्लाउडका अध्यक्ष र एआई व्यवसाय, र नेपालका अन्य उद्यमहरूका प्रतिनिधिहरूले यस अवसरमा ह्वावे अनलाइन भिडियो कन्फरेन्स प्रणालीको प्रयोग गरेर साक्षीको रूपमा भाग लिएका थिए ।

हिमालय एयरलाइन्स डिजिटल रूपान्तरणको मुख्य चरणमा छ । ह्वावेसँग योजनाबद्ध साझेदारी स्थापना गरेर र यसका साझेदारहरूसँग इकोसिस्टममा सहयोग गरेर हिमालय एयरलाइन्सले आफ्नो डिजिटल रूपान्तरणको गति बढाउने र कम्पनीलाई छिटो विकासको नयाँ चरणमा धकेल्ने बताएको छ । यसका साथै उन्नत डिजिटल टेक्नोलोजीको साथ नेपाल नागरिक उड्डयन उद्योगमा योगदान दिन नेपालको ह्वावे स्थानीय टोलीसँग मिलेर काम गर्ने कम्पनीले जनाएको छ ।

‘ह्वावेको क्लाउड र आर्टिफिसियल इन्टेलिजेन्स (एआई) टेक्नोलोजीले हिमालय एयरलाइन्समार्फत व्यवस्थापन र वित्तीय प्रणालीको डिजिटलकरणका साथै आन्तरिक दक्षता सुधार गर्न सकिन्छ । ह्वावे क्लाउड सेवा टोली र ह्वावे नेपाल स्थानीय समर्थन टीम दुवैको प्रतिबद्धताले हिमालय एयरलाइन्सको डिजिटल रूपान्तरण सुधार हुनेछ र कम्पनी नेपाली बजारमा अधिक प्रतिस्पर्धी हुनेछ । ह्वावेले हिमालय एयरलाइन्सलाई दुई कम्पनीको योजनाबद्ध सहयोगको शुरुवातको रूपमा क्लाउड सेवाहरू प्रदान गर्नेछ ।’ ह्वावेका प्रतिनिधिले भने ।

हाल ५०० ग्लोबल कम्पनीहरु मध्ये २२८ र १०० विश्वको शीर्ष उद्यमहरू मध्ये ५८ ले ह्वावेलाई डिजिटल परिवर्तनको लागि विश्वासिलो साझेदारका रुपमा चयन गरेका छन् । ग्लोबल नोड कभरेज र इकोसिस्टमको साथ साझेदार वा विकासकर्ताहरूले ह्वावे क्लाउड प्लस एआई, ५जी र बिग डाटा जस्ता इन्टेलिजेन्ट अनुप्रयोगहरूको समर्थन गर्नको लागि सेवाहरू लिन सक्दछन् ।

आजसम्म, ह्वावे क्लाउडले २०० भन्दा बढी क्लाउड सेवाहरू प्रदान गरेको छ जसमा १९० भन्दा बढी विशिष्ट उद्योग समाधानहरू वित्तीय सेवाहरू, ई–कर्मस, लजिस्टिक, स्वास्थ्य सेवा, शिक्षा र आदिबाट रहेको छ ।

नेपालको इन्टरप्राइज आईटी सेवाहरूको भर्खरको अध्ययनबाट यो देखिन्छ कि ११ उद्योगहरूको ७४ प्रतिशतले (मिडिया, मनोरन्जन, एयरलाइन्स, सामान्य खुद्रा, ईकमर्स, र आदि) उच्च उपकरणको लगानी घटाउन, जटिल मर्मत सम्भारबाट बच्न, सेवा विश्वसनीयता सुनिश्चित गर्न, आईटी सेवा डिजिटल गर्ने उपकरणको रूपमा क्लाउड सेवा छनौट गरेका छन् ।

नेपाल बजारमा डिजिटल रूपान्तरण परामर्श र वितरण सेवाहरू उपलब्ध गराउनका लागि जनवरी २०२० मा ह्वावे नेपाल अफिसले क्लाउड एन्ड एआईको स्थानीय टोली स्थापना गरेको छ जसले केवल स्थानीय सरकार, उद्यम र वाहकहरूलाई समर्पित सेवाहरू प्रदान गर्ने जनाएको छ ।

प्रकाशित: १४ असार २०७७, आईतवार

Leave a Reply

Loading...