अबैध क्रिप्टोकरेन्सी माइनिङ्ग गर्ने एपको बारेमा सामाजिक सञ्जालमा शेयर गरिँदै

Technology Khabar १३ असार २०७७, शनिबार

अबैध क्रिप्टोकरेन्सी माइनिङ्ग गर्ने एपको बारेमा सामाजिक सञ्जालमा शेयर गरिँदै

काठमाडौं ।

पछिल्लो दिन नेपालका सोशल मिडियाहरुमा क्रिप्टोमाइन गर्ने बारेको एप निकै चर्चामा रहेको छ । पिआई एप भनिने सो क्रिप्टो माइन गर्ने एपले क्रिप्टोकरेन्सी कमाउन सकिने भन्दै शेयर सम्बन्धि ग्रुपहरुमा निकै भाइरसल भएको छ ।

कतिपय ग्रुपमा यसलाई प्रतिबन्ध गरिएको भएपनि अधिकांशले यसलाई निकै शेयर गरिरहेका छन्।

नेपालमा अबैध मानिएको क्रिप्टोकरेन्सीको कारोबारलाई प्रबद्र्धन गर्ने यो पिआई नेटवर्कको एप डाउनलोड गर्न र क्रिप्टोकरेन्सी माइन गर्न भन्दै अन्यलाई समेत सिफारिस गरिरहेका छन् ।

सो पिआई नेटवर्कको एपले आफूले २० हजार मासिकरुपमा कमाई गरिरहेको भन्दै अन्यलाई पनि सो एप स्मार्टफोनमा डाउनलोड गरेर क्रिप्टोमाइन गर्न सुझाब दिईएको छ ।

जसमा सो एप कसरी डाउनलोड गर्ने त्यसलाई कसरी प्रयोग गर्ने र क्रिप्टोमाइन गर्ने भन्ने बारेमा बिस्तृतमा जानकारी गराईएको देखिन्छ ।

क्रिप्टोमाइन गर्ने ‘पिआई नेटवर्क एप’को बारेमा नेपालका सामाजिक संजालहरु मध्ये शेयर बजारसम्बन्धि जानकारी र समाचारहरु शेयर गर्ने ग्रुपहरुमा अधिकांश राखिएको छ । जसमा पिआई नेटवर्क भनेको के हो र त्यसले कसरी कामगर्दछ भन्ने बारेमा ब्याख्या गर्दै सो परियोजनाको रुपमा आएको र त्यसलाई आधिकारिकरुपमा प्रयोग गर्न सकिने दाबी गरिएको छ ।

जहाँ मानिसहरुले कसरी कमाउन सक्छन र नेपालीले दैनिकरुपमा १२ सय रुपैयाँ कमाउने सक्ने दाबी गरिएको छ ।

सो बारेमा जानकारी शेयर गर्ने व्यक्तिहरुले भने नयाँ एप प्रयोगकर्तालाई आकर्षित गर्दै आफ्नो कोड नाम इन्भाइट कोडको रुपमा राख्न सुझाब दिने गरेका छन् ।

क्रिप्टोकरेन्सीको कारोबार नेपालमा पूर्णरुपमा अवैध भएको बेलामा पुन क्रिप्टोकरेन्सीको बारेमा जानकारी आउनु संकास्पद भएको एक शेयर लगानीकर्ताले बताए ।

‘मलाई पनि यस्तो क्रिप्टोमाइन गर्ने पिआई एपको बारेमा जानकारी शेयर गरिएको थियो । तर मैले त्यसलाई डिलिट गरिदिएँ,’ उनले भने ।

 

उता नेपाल राष्ट्र बैंकले यसअघि नै गैरकानूनी घोषणा गरेको क्रिप्टोकरेन्सी कारोबार र माईनिङ्गको नीतिमा यथावत रहेको जानकारी दिएको छ ।

डिजिटल कारोबार हेर्ने राष्ट्र बैंकको भुक्तानी प्रणाली विभागका कार्यकारी निर्देशक भुवन कँडेलले क्रिप्टोकरेन्सी बारे पुरानो नीति र निर्देशनमा कुनै परिवर्तन नभएको बताए ।

‘सामाजिक संजालमा अहिले भएको क्रिप्टोकरेन्सी माइनिङ्गको प्रचार बारे जानकारी नभएपनि यसअघि नै राष्ट्र बैंकले अवैध भनिसकेको हुँदा त्यस्तो कारोबार अवैध हो,’ कार्यकारी निर्देशक कँडेलले भने ।

उनले त्यसबारेमा जानकारी पाए थप अध्ययन अनुसन्धान गरिने जानकारी दिए ।

नेपाल राष्ट्र बैंकले २०७४ साउन २९ गते  नेपालमा बिटक्वाइनलगायतका क्रिप्टोकरेन्सी कारोबार गैरकानूनी भएको बताएको थियो ।

easy care

प्रकाशित: १३ असार २०७७, शनिबार

ताजा समाचार