Technology Khabar १२ असार २०७७, शुक्रबार
काठमाडौं ।
शाओमीले आज नेपालमा रेडमी नोट ९ स्मार्टफोन सार्वजनिक गरेको छ । यो नोट ९ सिरिजमा सार्वजनिक गरिएको मध्ये दोस्रो फोन हो । हालै सार्वजनिक भएको रेडमी नोट ९ प्रोका साथ, नयाँ रेडमी नोट स्मार्टफोन लाइनअपले कुनै फ्ल्यागसिप मुल्यबिन्दु बिना अत्याधुनिक डिजाइन र नविनता जारी राख्ने कम्पनीको दाबी छ ।
‘हामी नोट ९ सिरिजमा अर्को स्मार्टफोन नेपालमा सार्वजनिक गर्न पाउँदा निकै उत्साहित छौं । ५०२० एमएएच ब्याट्री, ४८ एमपी क्यामरा र मिडियाटेक हेलियो जी८५ प्रोसेसर जस्ता विशेषताका साथ रेडमी नोट ९ हाम्रो रेडमी नोट लाइनमा एक उल्लेखनिय अनुवृद्धि हो र मी फ्यानहरुले यो उत्पादन मन पराउनेछन् भन्ने आशा राखेका छौं ।’ शाओमी नेपालका कन्ट्री जनरल म्यानेजर सौरभ कोठारीले भने ।
रेडमी नोट ९-४८ एमपी क्वाड क्यामरा हटशट
४८ एमपी क्वाड क्यामेराको साथ फोटोग्राफी र भिडियोग्राफी
रेडमी नोट ९ ले ४८ एमपी मुख्य क्यामरा र ८ एमपी अल्ट्रा वाइड-एंगल लेन्सका साथ फोटोग्राफीलाई अगाडि ल्याउछ । यसको २ एमपी म्याक्रो लेन्स र २ एमपी डेप्थ सेन्सर पूर्ण क्वाड क्यामरा सेटअपले सबै एंगलबाट सुन्दर तस्वीरहरु खिच्दछ । अधिकतम फ्रन्ट स्क्रिन डिस्प्ले आकारका लागि डिस्प्लेमा १३ एमपी क्यामेरा राखिएको छ।
रेडमी नोट ९ को सिनेमेटिक पोट्रेट र भिडियो मोडले प्रयोगकर्तालाई फिल्महरुमा सामान्यतय प्रयोग गरिने समान ढाँचाको २.३९ः१ एसपेक्ट रेसियोको फोटो वा भिडियो खिचेर निर्देशकमा परिणत गर्दछ । यसका साथै, विभिन्न ६ क्यालिडोस्कोप अप्सनका साथ सबैले छिट्टै शुट गर्न, एकै पलमा आकर्षक भिडियो खिच्न सक्छन् र नयाँ डकोमेन्ट मोडले स्मार्टफोनलाई पकेट साइजको स्क्यानरमा रुपान्तरण गर्दछ ।
लामो समयसम्म टिक्ने ब्याट्री, फास्ट चार्ज
ठुलो ५,०२० एमएएच ब्याट्रीका साथ प्याकिंग गरिएको रेडमी नोट ९ ले अर्को दिनसम्मका लागि पुग्ने पर्याप्त पावर राख्छ । यो उपकरण बक्समा २२.५ वाट फास्ट चार्जरका साथ आउँछ जुन अन-द-गो प्रयोगकर्ताहरुका लागि आदर्श साथी बन्छ ।
शक्तिशाली प्रोसेसरका साथ असाधारण प्रदर्शन
हुड अन्तर्गत, रेडमी नोट ९ मा मिडियाटेक हेलियो जी८५ प्रोसेसर रहेको छ जसले यसलाई नयाँ चिपसेट फिचर गर्ने विश्वकै पहिलो स्मार्टफोन बनाउँछ ।
फ्ल्यागसिप लेबल डट डिस्प्ले
रेडमी नोट ९, फ्रन्टमा कोर्निंग गोरिला ग्लास ५ ले सुरक्षित गरिएको इमर्सिभ ६.५३ इन्च डट डिस्प्लेका साथ नयाँ लुकमा आकर्षक देखिएको छ । यसमा ३.५एमएम हेडफोन ज्याक, आईआर ब्लास्टर जस्ता फ्यानहरुको लोकप्रिय अन्य विशेषताहरुको एर्रे समावेश रहेको छ । यो लामो समयसम्म आँखाको आरामका लागि टियूभी रेनल्याण्ड कम ब्लु लाईट सटिफिकेशन, दुर्घटनावस गिरावटका लागि स्प्लेस प्रुफ न्यानो कोटिंगका साथ आउँछ ।
रेडमी नोट ९ प्रयोगकर्ताले कुनै पनि स्टाइललाई मिल्ने दुई मोहक कलर-मिडनाइट ग्रे र फरेस्ट ग्रीन छनौट गर्न सक्छन् ।
मुल्य र उपलब्धता
कम्पनीकाअनुसार यो ४जीबी र्याम र १२८जीबी भेरियन्टमा दुई कलर-मिडनाइट ग्रे र फरेस्ट ग्रीनमा उपलब्ध हुनेछ ।
रेडमी नोट ९ बजारमा २२ हजार ९९९ रुपैयाँमा उपलब्ध रहेको कम्पनीले जनाएको छ ।
प्रकाशित: १२ असार २०७७, शुक्रबार
