फेसबुकले जिफी किनेको बारेमा बेलायतको प्रतिस्पर्धा अधिकारीहरुले छानबिन गर्दै

Technology Khabar ३१ जेष्ठ २०७७, शनिबार

फेसबुकले जिफी किनेको बारेमा बेलायतको प्रतिस्पर्धा अधिकारीहरुले छानबिन गर्दै
Classic Tech

फेसबुकले हालसालै किनेको जीआईएफ बनाउने कम्पनी जिफीको खरिद बारेमा बेलायतको प्रतिस्पर्धा अधिकारीद्धारा छानबिन शुरु भएको छ ।

जिफीको छोटो भिडियो एनिमेसनहरु फेसबुकमा सबैभन्दा धेरैप्रयोग हुने गरेको र लोकप्रिय रहेकोछ । यसबाहेक यसले टिकटक, ट्विटर र स्न्यापच्याटमा पनि एनिमेसनहरु उपलब्ध गराउँछ ।

फेसबुकले जिफीलाई केहि समयअघि करिब ४०० मिलियन डलरमा अधिग्रहण गरेको थियो ।

हाल बेलायको प्रतिस्पर्धात्मक बजार हेर्ने नियमनकारी निकाय कम्पिटिसन एण्ड मार्केट्स अथोरिटी(सिएमए)ले त्यस खरिदको अनुसन्धान शुरु गरेको हो ।

विशेषगरि यस अनुसन्धानमा कसरी र यदि यो डिलले प्रतिस्पर्धालाई बजारमा कम हुन्छ वा हुँदैन भन्ने हेर्नेछ ।

सो संस्थाले फेसबुकलाई विशेष आदेश दिँदै यो अनुसन्धान नसकिएसम्म कुनैपनि कम्पनीको मर्जरलाई रोक्न भनेको छ ।

गएको मे महिनामा भएको खरिदमा फेसबुकले जिफीको आधा ट्राफिक फेसबुक सहित ह्वाट्सएप र इन्स्टाग्राम एप्सबाट आउने गरेको बताएको थियो । तर यो डिलले अन्य कम्पनीहरुसँगको सम्बन्धलाई कुनै असर नपर्ने दाबी गरेको थियो ।

सिएमएले जुलाई ३ सम्म त्यसमा आफ्नो भनाई राख्न फेसबुकलाई भनेको छ ।

जिफी जीआईएफ छोटो भिडियो र तस्वीरहरुको लागि सबैभन्दा ठूलो प्लेटफर्म हो । जहाँ रहेका जीआईएफहरु निशुल्क प्रयोग गर्न सकिन्छ । एजेन्सीका साथ

TK Viber

प्रकाशित: ३१ जेष्ठ २०७७, शनिबार

Loading...