चिनियाँ मोबाइल फोन ब्राण्ड ओपो स्मार्ट टिभी ल्याउने तयारीमा

Technology Khabar २५ जेष्ठ २०७७, आईतवार

चिनियाँ मोबाइल फोन ब्राण्ड ओपो स्मार्ट टिभी ल्याउने तयारीमा
फाइल

चिनियाँ मोबाइल फोन कम्पनीहरुले पछिल्लो दिनमा धमाधम स्मार्ट ग्याजेटका साथमा स्मार्ट टिभी लन्च गर्ने लहड चलिरहेको छ ।

शाओमी ह्वावेपछि हालै रियलमीले स्मार्ट टिभी लन्च गरेका थिए । यी सबै ब्राण्डहरुले चीन र भारतको ठूलो बजारलाई ध्यान दिइर स्मार्ट टिभी ल्याईरहेका छन् । यहि क्रममा अर्को ब्राण्ड समेत थपिएको छ ।

अब ओपोले पनि स्मार्ट टिभी विकास गर्नेतर्फ कदम चालेको छ र यसले २०२० को क्रिसमसको अवसर पारेर आफ्नो नयाँ टिभी लन्च गर्ने चर्चा बाहिर आएको छ ।

कम्पनीको आधिकारीक वेबो पेजमा कम्पनीले चीनमा आफ्नो १ वर्षको ५जी स्मार्टफोन र प्रविधिको प्रयास बारेमा जानकारी दिएको छ । जसलाई इन्फोग्राफिक्समा देखाईएको छ ।

कम्पनीले सार्वजनिक गरेको तस्वीरहरुमध्ये एक तस्वीरको तल्लो भागमा हेर्दा त्यहाँ टिभीको चित्र देखिन्छ।

ओपोको भगिनी ब्राण्ड रियलमीले हालै मात्र एन्ड्रोयडमा आधारित स्मार्ट टिभी भारतबाट बिक्री गर्न शुरु गरेको थियो । जसको मूल्य प्रतिस्पर्धी राखिएको थियो ।

यहि आधारमा ओपोले पनि यस वर्ष नयाँ स्मार्ट टिभी लन्च गर्नसक्ने अनुमान गरिएको छ ।

ओपोले हालसम्म वायरलेस ईयरफोन्स, स्मार्टवाच, स्मार्ट ब्याण्ड, एआर हेडसेट, ५जी सिपिईलगायतका डिभाइसहरु लन्च गरिसकेको छ । तर कम्पनीले टिभी भने अहिलेसम्म ल्याएको छैन् । यी सबै ग्याजेट्सको तस्वीर टिभीको भन्दा अगाडि श्रृंखलाबद्ध रुपमा राखिएको छ । र टिभीलाई अन्तिममा राखिएको छ ।

तर ओपोको स्मार्ट टिभीको बारेमा अन्य जानकारीहरु भने आएको छैन् । एजेन्सी

प्रकाशित: २५ जेष्ठ २०७७, आईतवार

Comments are closed.

Loading...