सामाजिक सञ्जालहरुमा विभिन्न भिडियो बनाएर शेयर गर्नुस्, २५ हजार रुपैयाँ पुरस्कार जित्नुस्

Technology Khabar २४ जेष्ठ २०७७, शनिबार

सामाजिक सञ्जालहरुमा विभिन्न भिडियो बनाएर शेयर गर्नुस्, २५ हजार रुपैयाँ पुरस्कार जित्नुस्

काठमाडौं ।

स्टेट एट मिडियाले डिजिटल पेमेन्ट सेवा डिजीपेको प्रायोजनमा “घरमै बस्नुस्, प्रतिभा देखाउनुस्, पुरस्कार जित्नुस्, तनाब हटाउनुस्” भन्ने मूल नाराका साथ नेपालमै अनौठो प्रतियोगिताः ‘डिजीपे–लकडाउन्स गट ट्यालेन्ट’ सुरु गरेको छ ।

कोरोना भाइरस महामारीका कारण लगाइएको लकडाउनमा स्वःस्फूर्त रुपमा टिकटक, फेसबुकसहितका सामाजिक सञ्जालमा भिडियो बनाएर अपलोड गर्ने क्रम बढेसँगै स्टेट एट मिडियाले डिजीपेको सहकार्यमा यसैलाई अवसरमा रुपान्तरण गर्न ‘डिजीपे– लकडाउन्स गट ट्यालेन्ट’ प्रतियोगिता आयोजना गरेको हो ।

यो प्रतियोगितामा भाग लिन आफूमा रहेको जुनसुकै प्रतिभा (नृत्य, गायन, अभिनय, जादुगरी, संगीत, पाककला (कुकिङ), टिकटक, कविता आदि)को भिडियो बनाइ पठाउनु पर्ने र ती भिडियो सामाजिक सञ्जालमा लाइक, सेयरको आधारमा प्रतियोगिताका विजयी छनोट गरिने स्टेट एट मिडियाका कार्यकारी अध्यक्ष शालिनी नेपालले बताईन् ।

नेपालकाअनुसार यो प्रतियोगितामा निःशुल्क सहभागिता जनाउन सकिने छ ।

‘प्रत्येक पटक १०–१० जना गरी चार राउन्डमा ४० जना र अत्याधिक लाइक भिडियोका आधारमा थप १० जना मोस्ट पपुलर गरी ५० जनालाई पहिलो चरणमा छनोट गरिनेछ,’ प्रतियोगिताका मुख्य प्रायोजक एवं सह–आयोजक डिजीपेका कार्यकारी निर्देशक दिवाकर पाण्डेले भने।

ती ५० जना प्रत्येकको डिजीपे खातामा तत्कालै १–१ हजार रुपैयाँ नगद जम्मा गरिने, उनीहरूले विभिन्न प्रायोकहरु जस्तै बेननेभिज आइसक्रिमका तर्फबाट गिफ्ट ह्याम्पर, नेटम्याक्सका तर्फबाट ३ महिनासम्म निःशुल्क इन्टरनेट, टीटाइम र कफी ब्रेकले ५०० रुपैयाँबराबरको गिफ्ट ह्याम्पर, एलओडी डिस्कोमा लकडाउन खुलेपछि जोडीलाई निःशुल्क प्रवेशका साथै स्न्क्याक्स र ड्रिंक्सलगायतका पुरस्कार पाउने आयोजकले जनाएको छ ।

‘यो यस्तो यूनिक प्रतियोगिता हो, जसको कुनै निर्णायक हुने छैनन्, सामाजिक सञ्जालहरूमा अत्याधिक सेयर, लाइक र कमेन्टकै आधारमा विजेता छानिनेछ,’ दिवाकर पाण्डेले भने ।

करिब दुई महिनासम्म सञ्चालन हुने यो प्रतियोगिताको अन्तिम स्पर्धाका मुख्य बिजेतालाई २५ हजार रुपैयाँ प्रदान गरिने डिजीपेले जनाएको छ ।

प्रतियोगितामा भाग लिन पहिलो चरणका प्रतिष्पर्धी भिडियोहरू जेठ ३० गते भित्र पठाउनु पर्ने र असार १ गते पहिलो चरणको भोटिङ र दोस्रो चरणको भिडियो आवेदन लिन सुरु गरिने सहआयोजक डिजीपेका पाण्डेले बताए ।

Global Bank
easy care

प्रकाशित: २४ जेष्ठ २०७७, शनिबार

ताजा समाचार