स्पेसएक्सको क्रु ड्रागन स्पेसक्राफ्टमार्फत अन्तरिक्ष यात्रीहरु अन्तराष्ट्रिय स्पेस स्टेशनमा प्रवेश

Technology Khabar १९ जेष्ठ २०७७, सोमबार

स्पेसएक्सको क्रु ड्रागन स्पेसक्राफ्टमार्फत अन्तरिक्ष यात्रीहरु अन्तराष्ट्रिय स्पेस स्टेशनमा प्रवेश

स्पेसएक्सको क्रु ड्रागन स्पेसक्राफ्टले दुईजना अन्तरिक्ष यात्रीहरुलाई सफलतापूर्वक अन्तराष्ट्रिय स्पेस स्टेशनमा पुर्याएको छ ।

सो अन्तरिक्ष यानमा रहेका दुई अन्तरिक्ष यात्रीहरु बड बेनकेन र डग हर्ले आइतवार बेलुका अन्तराष्ट्रिय स्पेस स्टेशनमा प्रवेश गरेका थिए ।

यो अन्तरिक्ष यात्रा अमेरिकाबाट नौ वर्षपछि भएकोहुँदा पनि अमेरिकी स्पेस अभियान संचालन गर्ने नासाको लागि निकै महत्वपूर्ण रहेको थियो ।

दुबै अन्तरिक्ष यात्रीहरु करिब १९ घण्टाको यात्रापछि स्टेशनमा पुगेका हुन् ।
यसअघि आइतवार बिहान अमेरिकाको फ्लोरिडा राज्यबाट फाल्कन ९ रकेटबाट उनीहरुलाई अन्तरिक्षमा पुयाईएको थियो । उनीहरुको अन्तरिक्ष यान स्टेशनमा तोकिएको समयभन्दा करिब १० मिनेट अगाडि जोडिएको थियो ।

नासाको कमर्शिल क्रु प्रोग्राम अन्तरगत यसअभियानलाई डेमो २ नाम दिईएको थियो । यो कार्यक्रममा स्पेसएक्स र बोईङ्ग कम्पनीहरुले क्रु क्याप्सुल बनाउने र लन्च गर्नेछन् ।

स्पेसएक्सले यसअघि अन्तरिक्ष स्टेशनमा कार्गोहरु पुर्याउने र पेलोड लन्च गरेको भएपनि पहिलो पटक मानवसहितको यात्रा गरेको थियो ।

दुबै अन्तरिक्ष यात्रीहरुले स्टेशनमा विभिन्न किसिमका अनुसन्धान गर्नेछन भने क्रु ड्रागनको बारेमा पनि थप अनुसन्धान हुनेछ । तर कहिलेसम्म उनीहरु त्यहाँ रहन्छन भन्ने स्पष्ट छैन् ।

रकेट कम्पनी स्पेसएक्सले आगामी दिनमा पर्यटकको रुपमा मानिसलाई अन्तरिक्ष स्टेशनमा लागे उद्धेश्य राखेको छ । एजेन्सीका साथ

प्रकाशित: १९ जेष्ठ २०७७, सोमबार

Comments are closed.

Loading...