इलेक्ट्रिक भेहिकलको भन्सार बढाईयो, क्षमताको आधारमा ८० प्रतिशतसम्म अन्तशुल्क दर

Technology Khabar १६ जेष्ठ २०७७, शुक्रबार

इलेक्ट्रिक भेहिकलको भन्सार बढाईयो, क्षमताको आधारमा ८० प्रतिशतसम्म अन्तशुल्क दर

विद्युतीय सवारीसाधनमा लाग्ने करहरुको दरमा आगामी बजेटमा सरकारले परिमार्जन गरेको छ । सरकारले यस अघि पेट्रलियम पदार्थको खपत न्यूनिकरण गर्न इलेक्ट्रिक गाडिलाई प्राथमिकताका दिँदैआएपनि आगामी आर्थिक बर्ष २०७७/७८ को बजेटबाट ४० प्रतिशत भन्सार र क्षमताको आधारमा ३० देखि ४० प्रतिशतसम्म अन्तशुल्क कर लगाउने निर्णय गरेको छ ।

सरकारले इलेक्ट्रिक गाडिमा ८० प्रतिशत भन्सारदर कायम गर्दै त्यसमा ५० प्रतिशत छुट दिएको हो।

बजेटमार्फत सरकारले क्षमताको आधारमा ५० किलोवाटसम्मका मोटर जडान भएका कारमा ३० प्रतिशत अन्तःशुल्क लगाएको छ भने ५० देखि १०० किलोवाटसम्मका मोटर भएका कारमा ४० प्रतिशत, १ सयदेखि १५० किलोवाटसम्मका कारमा ५० प्रतिशत अन्तःशुल्क लगाएको छ ।

यस्तै १५० देखि २०० किलोवाट क्षमताका मोटर जडित इलेक्ट्रिक कारमा ६० प्रतिशत, २ सयदेखि ३ सय किलोवाटसम्मका कारमा ७० प्रतिशत र त्यसभन्दा माथिका कारमा ८० प्रतिशत अन्तःशुल्क तोकेको छ ।

यसअघि इलेक्ट्रिक भेहिकलमा १० प्रतिशत भन्सार, १३ प्रतिशत भ्याट र ४ प्रतिशत मात्रै सडक दस्तुर सरकारले लिँदै आएको थियो ।

प्रकाशित: १६ जेष्ठ २०७७, शुक्रबार

Comments are closed.

Loading...