तत्काल साइबर सेना बनाउने कार्यक्रम ल्याउन सरकारलाई सिएसआरआई नेपालको सुझाब

Technology Khabar १४ जेष्ठ २०७७, बुधबार

तत्काल साइबर सेना बनाउने कार्यक्रम ल्याउन सरकारलाई सिएसआरआई नेपालको सुझाब
Classic Tech

सिएसआरआई नेपालले आगामी आर्थिक वर्षको बजेटमा साइबर सुरक्षा र सूचना प्रविधिको लागि बजेट छुट्याउन सुझाब दिएको छ ।

सेन्टर फर साइबर सेक्यूरिटी रिसर्च एण्ड इन्नोभेसन(सिएसआरआई) नेपालले सोमबार अर्थ मन्त्रालयका सचिव शिशिर ढुंगाना, प्रधानमन्त्रीका सूचना प्रविधि सल्लाहकार अस्गर अली र विकास सल्लाहकार ई, गजेन्द्र थपलियालाई साइरब सुरक्षाको बारेमा बजेटमा उल्लेख गर्न सुझाब दिएको हो ।

सिएसआरआई नेपालले डिजिटल नेपाल फ्रेमवर्क अवधारणालाई लागू गर्ने गरि नीतिहरु बनाउन भनेको छ भने सूचना प्रविधिको क्षेत्रमा सिप विकास गर्न विभिन्न किसिमका तालिम, गोष्ठि तथा सेमिनारहरु लगायत जनचेतनामुलक कार्यक्रम राख्न सुझाब दिएको छ ।

त्यसैगरि राष्ट्रिय तथा अन्तराष्ट्रिय तहमा सूचना प्रविधि र साइबर सूरक्षामा सहकार्य गर्नुपर्ने उल्लेख गरेको छ ।

संस्थाका महासचिव ई. शालिग्राम पराजुलीले बुझाईएको सो सुझाब पत्रमा साइबर सेनाको कल्पना गरेर कार्यक्रम लागू गर्न भनेको छ ।जसअन्तरगत हजारौं सेक्यूरिटी विज्ञहरुलाई साइबर सेनाको रुपमा तयार पार्नुपर्ने र सूचना प्रविधि तथा साइबर सुरक्षामा लगाउनुपर्ने उल्लेख छ ।

पछिल्लो दिनमा देशमा बढिरहेको साइबर अपराधलाई हेरेर तत्काल साइबर आर्मी बनाईनुपर्ने बताएको छ । त्यस्तो साइबर आर्मीले अन्य सरकारी र साइबर सुरक्षा संस्थाहरुसँग मिलेर साइबर चुनौतीहरुको विरुद्धमा तत्काल काम गर्ने अपेक्षासहित बनाईनुपर्ने बताएको छ ।

त्यस्तै अन्य सुझाबहरुमा साइबर सुरक्षाको बारेमा अध्ययन, अनुसन्धान र प्रकाशन गर्ने, पूर्वाधार सहप्रयोग गर्ने गरि नीति बनाउने, आईओटी, क्लाउड कम्प्यूटिङ्ग, एआईलगायतका नयाँ प्रविधिहरुको विकास र प्रयोगको लागि कार्यक्रम लागू गरिनुपर्ने लगायतका विषयहरु सुझाबको रुपमा समावेश छन् ।

TK Viber

प्रकाशित: १४ जेष्ठ २०७७, बुधबार

Loading...