इन्टरनेट प्रयोगकर्ताहरुमध्ये सबैभन्दा धेरै ग्राहक नेपाल टेलिकमको, ४८.९ प्रतिशत बजार हिस्सा

Technology Khabar १३ जेष्ठ २०७७, मंगलवार

इन्टरनेट प्रयोगकर्ताहरुमध्ये सबैभन्दा धेरै ग्राहक नेपाल टेलिकमको, ४८.९ प्रतिशत बजार हिस्सा

नेपालको कुल जनसंख्याको ७५ प्रतिशत जनतामा इन्टरनेट सेवाको पहुँच पुगेको छ ।

आजै अर्थमन्त्री डा. युवराज खतिवडाले संघिय संसदको प्रतिनिधिसभामा सार्वजनिक गरेको आर्थिक वर्ष २०६७/७७ को आर्थिक सर्वेक्षणअनुसार नेपालमा इन्टरनेट प्रयोगकर्ताहरुमध्ये सबैभन्दा धेरै ग्राहक नेपाल टेलिकमको रहेको छ ।

आर्थिक सर्वेक्षणअनुसार इन्टरनेट प्रयोगकर्ताहरुमध्ये २०७६ फागुनसम्म ४८.९ प्रतिशत नेपाल टेलिकमका ग्राहकहरु छन् ।

त्यसैगरि ३२.८ प्रतिशतले एनसेलको इन्टरनेट सेवा उपयोग गरिरहेका छन् भने स्मार्ट टेलिकम प्राविको १.१२ प्रतिशत इन्टरनेट सेवाग्राही छन् ।
इन्टरनेट सवा प्रदायकहरुको बजार हिस्सा भने १७.१५ प्रतिशत रहेको छ ।

नेपाल टेलिकमको विद्यमान एडिएसएस सेवालाई स्तरोन्नति गरी एफटिटिएसमा रुपान्तरण गर्ने र दिर्घकालमा स्थानीय टेलिफोनलाई फाइबर प्रविधिमा रुपान्तरण गरी इन्टरनेट, टेलिभिजन र भ्वाइस सेवा एउटै तारबाट प्रदान गर्न एफटिटिएच परियोजना अन्तरगत योजना गरिएको नेटवर्क ४ लाख रहेकोमा हालसम्म १ लाख ४२ हजार नेटवर्क क्षमता जडान भई ग्राहक संख्या ४३ हजार पुगेको उल्लेख छ ।

तथ्यांकअनुसार टेलिकमले अघिल्लो आवको तुलनामा यो आवमा इन्टरनेट ग्राहक बढाउन सफल भएको छ भने एनसेलका ग्राहक घटेको देखिन्छ ।

टेलिकमले करिब शुन्य दशमलब ५० प्रतिशत बढाएको छ भने एनसेलले अघिल्लो आवको तुलनामा यो आवमा करिब २ प्रतिशत इन्टरनेट ग्राहक गुमाएको छ ।

प्रकाशित: १३ जेष्ठ २०७७, मंगलवार

Comments are closed.

Loading...