नेपाल टेलिकमको काउन्टर यो साताभरी खुल्ने, कुन स्थानमा कहिले खुल्छ हेर्नुस् (तालिकासहित)

Technology Khabar ११ जेष्ठ २०७७, आईतवार

नेपाल टेलिकमको काउन्टर यो साताभरी खुल्ने, कुन स्थानमा कहिले खुल्छ हेर्नुस् (तालिकासहित)

नेपाल दूरसञ्चार कम्पनी लिमिटेड (नेपाल टेलिकम) ले आज आईतवारदेखि यो साताभरका लागि काठमाडौं भित्रका आफ्ना विभिन्न काउन्टरहरु खोल्ने भएकाे छ ।

कम्पनीले काठमाडौं क्षेत्रीय निर्देशनालय अन्तर्गतका विभिन्न काउन्टरहरु फरक फरक दिनअनुसार संचालनमा ल्याउन लागेको हो ।

ती काउन्टरहरुबाट बिहान १० बजेदेखि दिनको ३ बजेसम्म ग्राहकहरुले टेलिफोन रकम भुक्तानीलगायतका सेवा लिन सक्नेछन् ।

टेलिकमले आईतबारदेखि शुक्रबारसम्म  फरक/फरक दिनमा खुल्ने काउन्टरको तालिका समेत ट्विटरमार्फत सार्वजनिक गरेको छ ।

आज आईतबार पहिलो दिन सुन्धारा, पाटन, गोङ्गबु, ठिमी, बनेपा, त्रिशुली, रसुवा, धादिङ, मन्थली र बाह्रबिसेसहित १० वटा काउन्टर संचालन हुनेछन् ।

त्यस्तै भोली १२ गते सोमबार नक्साल, चाबहिल, छाउनी, भक्तपुर, चरिकोट, चौतारा, पाँचखाल, लुक्ला र नाम्चेस्थित जम्मा ९ वटा काउन्टरबाट कम्पनीले सेवा दिनेछ ।

जेठ १३ गते मंगलबार सुन्धारा, पाटन, गोङ्गबु, ठिमी, बनेपा, चरिकोट, चौतारा र पाँचखालका काउन्टर संचालन गरिनेछ।

टेलिकमकाअनुसार १४ गते बुधबार नक्साल, चाबहिल, छाउनी, भक्तपुर, त्रिशुली, रसुवा, धादिङ, मन्थली र बाह्रबिसेको काउन्टर खुल्ला हुने छन् ।

जेठ १५ गते बिहीबार सुन्धारा, पाटन, गोंगबु, ठिमी, बनेपा, चरिकोट, चौतारा, पाँचखाल, लुक्ला र नाम्चेको काउन्टर खुल्ला हुनेछ ।

जेठ १६ गते शुक्रबार अन्तिम दिन भने नक्साल, चाबहिल, छाउनी र भक्तपुरको मात्र काउन्टर खोलिने टेलिकमले जनाएको छ ।

प्रकाशित: ११ जेष्ठ २०७७, आईतवार

Leave a Reply

Loading...