अब आईफोन फेस मास्क लगाएर पनि खोल्न सकिने, एप्पलले छिटै आईओएस १३.५ जारी गर्दै

Technology Khabar ६ जेष्ठ २०७७, मंगलवार

अब आईफोन फेस मास्क लगाएर पनि खोल्न सकिने, एप्पलले छिटै आईओएस १३.५ जारी गर्दै
Classic Tech

एप्पलले आईफोन अनलक गर्दा फेसमास्क नै लगाएर खोल्न सकिने सफ्टवेयर अपडेट ल्याएको छ।

कम्पनीले हालै आफ्नो आईओएस १३.५ भर्सन हाल डेभलपरहरुका लागि उपलब्ध गराएको छ ।

एप्पलले जारी गरेको यो सफ्टवेयर भर्सन सबैकुरा ठिक भएको खण्डमा छिटै प्रयोगकर्ताहरुको लागि समेत जारी गर्नेछ ।

कोरोनाभाइरसको महामारी निरन्तर बढेसँगै मानिसहरुले फेस मास्क लगाउन थालेका छन् । जसले गर्दा आईफोन अनलक गर्न समस्या हुँदै आएको छ ।

तर अहिलेको नयाँ आईओएस १३.५ भर्सनमा यो विषयलाई सम्बोधन गरिएको छ र फेस आईडी प्रयोगकर्ताहरुलाई अनलक गर्ने अप्सन उपलब्ध गराउने छ । नयाँ अपडेट आएसँगै यूजर्सले फेस मास्क लगाएको बेला पनि खोल्न सकिने छ ।

यो फीचरअनुसार यूजर्सले फेस मास्क लगाएर आईफोन अनलक गर्न खोजेको बेलामा यसले सिधै पासवर्ड इन्ट्रि स्क्रीन पप अप देखाउने छ र त्यसमार्फत अनलक गर्न सजिलो बनाउने छ ।

यसका साथै एप्पलको आईओएस र आईप्याडओएस १३.५ नयाँ अपडेटमा नयाँ कोरोनाभाइरस कन्ट्याक्ट ट्रेसिङ्ग टेक्नोलोजी एपिआई समेत समावेश गरिएको छ । यो फीचरले स्वास्थ्य संस्थाहरुलाई कोरोनाभाइरस ट्रेसिङ्ग एप बनाउनका लागि सहयोग गर्दछ ।

अहिले जारी गरिएको यो आईओएस १३.५ डेभलपरको लागि जारी गरिएको बीटा भर्सन जस्तै हो । जून कुनै समस्या नआएको खण्डमा संभवत अर्को साता जारी गरिनसक्ने अपेक्षा गरिएको छ ।

TK Viber

प्रकाशित: ६ जेष्ठ २०७७, मंगलवार

Loading...