ब्रोडब्याण्ड इन्टरनेटको पहुँच ५७.४५ प्रतिशत निकायहरुमा पुग्यो, ४१ जिल्लामा सेवा सञ्चालन

Technology Khabar १ जेष्ठ २०७७, बिहीबार

ब्रोडब्याण्ड इन्टरनेटको पहुँच ५७.४५ प्रतिशत निकायहरुमा पुग्यो, ४१ जिल्लामा सेवा सञ्चालन

नेपाल दूरसञ्चार प्राधिकरणले ग्रामिण दूरसञ्चार विकास कोषअन्तरगत संचालित १८ वटा प्याकेजमध्ये ११ वटा प्याकेज अन्तरगतका नेटवर्क तथा कनेक्टिभिटी जडान भई ४१ जिल्लामा सेवा संचालन भईरहेको जानकारी दिएको छ ।

हालसम्म ग्रामिण दूरसञ्चार विकाष कोषअन्तरगतका ब्रोडब्याण्ड इन्टरनेट एक्सेस अन्तरगत कुल ५७.४५ प्रतिशत इन्टरनेट जडान सम्पन्न भएको बताईएको छ ।

प्राधिकरणले आज प्रेस विज्ञप्ति जारी गर्दै ब्रोडब्याण्ड इन्टरनेट एक्सेस र सूचना महामार्ग पूर्वाधार निर्माणमा भएका हालसम्मको प्रगति बिबरणहरु सार्वजनिक गरेको छ ।

ब्रोडब्याण्ड इन्टरनेट एक्सेस अन्तरगत ४ वटा प्याकेजहरुमा नेटवर्क तथा कनेक्टिभिटी जडानको लागि सेवा प्रदायक छनौट भई नेटवर्क निर्माण कार्य भईरहेको जनाएको छ ।

प्राधिकरणकाअनुसार १८ वटा प्याकेजमा कुल अनुमानित साइट संख्या १६ हजार ६०१ भएकोमा स्थानिय निकायको कार्यालय ७०१ वटा, वर्डा कार्यालय ५९५२ वटा माध्यमिक विद्यालयहरु ५५९७ वटा र स्वास्थ्य संस्थाहरु ४३५१ वटा रहेको छ ।

सम्झौता भएका १५ वटा प्याकेजका साइट संख्याहरुमध्ये स्थानिय निकायको कार्यालय ५७४ वटा, वडा कार्यालय ४८०४ वटा, माध्यमिक विद्यालयहरु ४,४८७ वटा र स्वास्थ्य संस्थाहरु ३,५८१ वटा सहित कुल १३ हजार ४६५ वटा रहेको छ ।

प्राधिकरणले सार्वजनिक गरेको तथ्यांकअनुसार त्यसमध्ये इन्टरनेट जडान सम्पन्न भएका स्थानिय निकायको कार्यालय ४३१ वटा, वडा कार्यालय ३,६१२ वटा माध्यमिक विद्यालयहरु २,९४८ वटा र स्वास्थ्य संस्थाहरु २,५४६ वटा रहेका छन् ।

प्रतिशतको आधारमा हेर्दा इन्टरनेट जडान सम्पन्न भईसकेका स्थानिय निकायको कार्यालयहरु ६१।४८ प्रतिशत, वडा कार्यालयहरु ६०.६८ प्रतिशत, माध्यमिक विद्यालयहरु ५२.६७ प्रतिशत, स्वास्थ्य संस्थाहरुको संख्या ५८.५२ प्रतिशत र समग्रमा ५७.४५ प्रतिशत रहेको छ ।

*हेडलाइन सम्पादन

TK Viber

प्रकाशित: १ जेष्ठ २०७७, बिहीबार

Loading...