भीभो भी१९ स्मार्टफोन भारतमा लन्च, कम्पनीको पहिलो डुअल पञ्चहोल सेल्फी क्यामरा स्मार्टफोन

Technology Khabar ३० बैशाख २०७७, मंगलवार

भीभो भी१९ स्मार्टफोन भारतमा लन्च, कम्पनीको पहिलो डुअल पञ्चहोल सेल्फी क्यामरा स्मार्टफोन
Classic Tech

चिनियाँ स्मार्टफोन निर्माता भीभोले भारतमा भीभो भी१९ स्मार्टफोन लन्च गरेको छ । यो स्मार्टफोनमा डुअल पंचहोल सेल्फी क्यामरा राखिएको छ।

दुई भेरियन्ट्समा आएको यस स्मार्टफोन ८ जीबी र्यामका साथ १२८ जीबी स्टोरेज र दोस्रो संस्करणमा ८ जीबी र्यामका साथ २५६जीबी भण्डारण छ।

यो कम्पनीको पहिलो स्मार्टफोन हो जसमा पन्च होल क्यामरा सेटअप रहेको छ ।

यस स्मार्टफोनमा ६.४४ इन्च फुल एचडी प्लस सुपर एमोलेड डिस्प्ले राखिएको छ। यसको स्क्रीन रिजोलुशन १०८०x२४०० पिक्सेल रहेको छ । फोनमा अन्डर डिस्प्ले फिंगरप्रिन्ट स्क्यानर रहेको छ । भीभोको नयाँ फोन क्वालकम स्न्यापड्रागन ७१२ अक्टाकोर चिपसेटमा आधारित रहेको छ।

फोटोग्राफीका लागि फोनमा क्वाड रियर क्यामरा सेटअप दिइएको छ । यसमा ४८ मेगापिक्सेलको प्राइमरी सेन्सर छ, जबकि ८ मेगापिक्सेल वाइड-एंगल क्यामरा, २ मेगापिक्सेलको बूके इफेक्ट र २ मेगापिक्सेलको म्याक्रो लेन्स छ । फोनको फ्रन्टमा सेल्फीका लागि ३२ मेगापिक्सेलको प्राइमरी क्यामरा र २ मेगापिक्सेलको वाइड एंगल क्यामरा छ। फोनको अगाडि र पछाडिको क्यामरामा दुबै सुपर नाइट मोड र अल्ट्रा स्टेबल भिडियो सपोर्ट राखिएको छ ।

यस स्मार्टफोनमा लो ब्राइटनेस एन्टि-फ्लिकर टेक्नोलोजी राखिएको छ जसले अन्धकारमा आँखालाई असर नपार्ने कम्पनीको दाबी छ ।

पावरका लागि भीभो भी१९ मा ४५०० एमएएच ब्याट्री छ र यो ३३ वाट फास्ट चार्जिंग सपोर्टको साथ आउँदछ ।  भीभोको दाबीअनुसार भी१९ इनबक्स चार्जर प्रयोग गरेर ४० मिनेटमा ० देखि ७० प्रतिशतसम्म चार्ज हुनेछ ।

कम्पनीले भारतमा भीभो भी१९ को बजार मूल्य १२८ जीबी स्टोरेज अप्सनको लागि २७९९० भारु र २५६ जीबी स्टोरेज अप्सनको लागि ३१९९०भारु तोकेको छ ।

 

प्रकाशित: ३० बैशाख २०७७, मंगलवार

Comments are closed.

Loading...