डिजिटल कृषि बजार संचालनमा, अनलाइनमार्फत कृषि उत्पादन खरिदबिक्री गर्न सहज गराउने

काठमाडौं ।

कृषि तथा पशुपन्क्षी विकास मन्त्रालयले लकडाउनको समयमा पनि कृषकको उत्पादन खरिद बिक्री गर्नको लागि ‘डिजिटल कृषि बजार’ सञ्चालनमा ल्याएको छ ।

कोरोना भाइरसको कारण देश लकडाउनमा भएको समयमा किसानले गरेका उत्पादन बिक्री बितरणलाई सहज बनाउन मन्त्रालयले आईतवारदेखि ‘डिजिटल कृषि बजार’ संचालनमा ल्याएको हो ।

यसअघि लकडाउन शुरु भएसँगै कृषकहरुको उत्पादन बजारीकरणमा आएको समाचारहरु आएका थिए । जसले गर्दा कृषि उत्पादनको आपूर्ति श्रृंखलामा समस्या देखिएको थियो ।

हालको लकडाउनको समयमा समेत किसानले उत्पादन गरेका तरकारी लगायतका कृषि उपजहरु बिक्री गर्न सिधै खरिदकर्ताहरुसँग सम्पर्क गर्न सहज होस् भन्ने हेतुले मन्त्रालयले डिजिटल कृषि बजार को शुरुवात गरेको जनाएको छ ।

हालको बन्दाबन्दी (Lockdown) को समयमा समेत किसानले उत्पादन गरेका तरकारी लगायतका कृषि उपजहरु बिक्रीको लागि व्यापारिक खरिदकर्ताहरु सँग सम्पर्क गर्न सहज होस् भन्ने हेतुले मन्त्रालयले डिजिटल कृषि बजार (Beta Version)को शुरुवात गरेको छ । सुझावको अपेक्षा गरिन्छ ।https://t.co/ic8TrgAe3J pic.twitter.com/2xdYfq5vYY

— कृषि तथा पशुपन्छी विकास मन्त्रालय (@Hello_MOALD) May 3, 2020

सो डिजिटल कृषि बजारमा किसानले आफ्ना कृषि उत्पादनहरु र त्यसको प्रकार, उत्पादनको प्रस्तावित मूल्य, परिमाण, सम्पर्क फोन नम्बर र ठेगाना लगायतको विवरणहरु डिजिटल कृषि बजारको वेबसाइटमा राख्न सक्नेछन् ।
त्यसैगरि खरिदकर्ताहरुले पनि आफ्नो नाम, फोन नम्बर र खरिद गर्न चाहेको उत्पादनको बारेमा जानकारी राख्न सक्नेछन् ।

डिजिटल कृषि बजारमा राखिएका बिबरणको आधारमा किसान र खरिदकर्ताले एक आपसमा सम्पर्क गरी उत्पादनको किनबेच गर्न सक्नेछन् ।

बजारमा खरिदकर्ता र कृषक आपूर्तीकर्ताको सूची फरक फरक किसिमले राखिएको छ । तपाईँ पनि आफूले चाहेको कृषि उत्पादनहरु किनबेच गर्न चाहनुहुन्छ भने डिजिटल कृषि बजारमार्फत गर्न सक्नुहुनेछ ।