एप्पलको आईफोन १२ सिरिजको मूल्य यस्तो हुनेछ, प्रिमियम मोडलमा ५जी सपोर्ट नहुने

काठमाडौं ।

एप्पलले आफ्नो नयाँ आईफोन सिरिज लन्च गर्ने तयारी गरिरहँदा यसको बारेमा विभिन्न जानकारीहरु आई नै रहेका छन् । हालै कम्पनीको आईफोन १२ लाइनअपको बारेमा विभिन्न जानकारीहरु लीक भएका छन् । जसमा कम्पनीको नयाँ फोनेको मूल्य समेत उल्लेख गरिएको छ ।

कम्पनीले आईफोन १२ प्रोमा ६.१ इन्चको डिस्प्ले राख्नेछ जसको मूल्य ९९९ अमेरिकी डलर हुनेछ, यो आईफोन ११ प्रोको अपग्रेडको रुपमा आउनेछ । त्यसैगरि आईफोन १२ प्रो म्याक्सको सक्सेसरमा ६.७ इन्चको स्क्रीन हुनेछ जसको मूल्य १,०९९ अमेरिकी डलर तोकिएको छ ।

त्यसैगरि कम्पनीले बजेट सिरिजमा थप २ स्मार्टफोनहरु लन्च गर्ने अनुमान गरिएको छ । जसमध्ये आईफोन ११ को सक्सेसरको रुपमा आईफोन १२ ल्याउने छ जसको स्क्रीन ६.१ इन्चको हुनेछ, जसको मूल्य ७४९ अमेरिकी डलर हुनेछ । यसैमा सानो स्क्रीन साईज पनि आउनेछ । अर्को आईफोन १२ ५.४ इन्चको मूल्य ६४९ अमेरिकी डलर हुनेछ ।

अझ महत्वपूर्ण भनेको आईफोनको बजेट सिरिजका फोनहरुले ५जी सपोर्ट गर्नेछन जसमा ओएलईडी स्क्रीन र ड्यूल क्यामरा सेटअप हुनेछ ।

तर एप्पलको आईफोन १२ को प्रिमियम सेगमेन्टमा भने फाईभजी सपोर्ट हुनेछेन् ।

कम्पनीले नयाँ फोनहरु कोभिड १९ ले गर्दा यो वर्ष ढिला गरि लन्च गर्नसक्नेछ र संभवत अक्टोबर नोभेम्बरको समयावधिमा फोन लन्च हुनेछ । एजेन्सी