क्याननका क्यामराहरुलाई वेबक्याम बनाएर प्रयोग गर्न सकिने, ईओएस यूटिलिटी सफ्टवेयर लन्च

काठमाडौं ।

मानिसहरू घरहरूमा कोरोना महामारीको बीचमा लकडाउनमा बसिरहेको बेला भिडियो कलिंगको माग विश्वव्यापी रूपमा धेरै बढेको छ।

यस बीचवर्कप्लेस ग्रुप कलिंगको लागि ल्यापटप र डेस्कटपहरू प्राय प्रयोग गरिन्छ। यद्यपि यी उपकरणहरू वेबक्याम फोनको तुलनामा त्यस्तो राम्रो गुणस्तरका होइनन्।

अब क्याननले यस समस्यालाई ध्यानमा राख्दै नयाँ सर्भिस जारी गरेको छ। नयाँ सेवाको साथ क्याननको केही क्यामराहरु राम्रो भिडियो गुणस्तरको लागि वेबक्यामको रूपमा प्रयोग गर्न सकिनेछ।

क्याननले विण्डोज १० का लागि ईओएस यूटिलिटी सफ्टवेयर जारी गरेको छ। यस सफ्टवेयरको मद्दतले, प्रयोगकर्ताहरूले यूएसबीमार्फत उपयुक्त डिएसएलआर क्यामराहरू डेस्कटप वा ल्यापटपमा जडान गर्न सक्दछन् र यसलाई वेब क्यामको रूपमा प्रयोग गर्न सक्दछन्।

ध्यान राख्नुहोस् कि यो सफ्टवेयर हाल बीटा भर्सनमा छ।

तपाईंको आफ्नो क्यानन क्यामराको कम्प्याटिबिलिटी जाँच गर्न र सफ्टवेयर डाउनलोड गर्न तपाईँ यस लिंकमा क्लिक गर्न सक्नुहुनेछ।

यस सफ्टवेयरले हाल २५ वटा क्यानन क्यामरालाई मात्र सपोर्ट गर्दछ। ईओएस वेबक्याम यूटिलिटी सफ्टवेयर सपोर्ट गर्ने क्यामेरा यी हुन्- EOS-1D X Mark III, EOS-1D X Mark II, EOS 5DS R, EOS 5DS, EOS 5D Mark IV तथा EOS R.

त्यस्तै, सपोर्ट गर्ने क्यामराहरूको सूचीअन्तरगत केहि पावरशट सिरिजका क्यामेराहरु यी हुन- PowerShot G5X Mark II, PowerShot G7X Mark III तथा PowerShot SX70 HS

डीएसआरएललाई वेब क्याममा रूपान्तरण गर्नु कुनै नयाँ अवधारणा होइन् । यसअघिदेखिनै धेरै स्ट्रिमरहरूले पहिले पनि ट्विच जस्तो प्लेटफर्महरूमा स्ट्रिमिङ्गको लागि उच्चतहका क्यामराहरु पनि प्रयोग गर्ने गरेका छन्।

जे भएपिन नयाँ क्यानन सफ्टवेयरको साथ, प्रयोगकर्ताहरूले यसलाई धेरै सजिलो र कम रिसोर्सहरूको साथ प्रयोग गर्न सक्नेछन्।