सामसङको चीपसेटमा आधारित पहिलो स्मार्टफोन ल्याउँदै भीभो, जी सिरिजमा जी१ ५जी आउँदै

Technology Khabar १९ बैशाख २०७७, शुक्रबार

सामसङको चीपसेटमा आधारित पहिलो स्मार्टफोन ल्याउँदै भीभो, जी सिरिजमा जी१ ५जी आउँदै
Global IME Bank

काठमाडौं ।

चिनियाँ स्मार्टफोन मेकर ब्राण्ड भीभोले नयाँ सिरिजमा स्मार्टफोन ल्याउने तयारी गरेको छ । कम्पनीले जी सिरिज अन्तरगत आफ्नो पहिलो स्मार्टफोन जी १ ५जी (Vivo G1 5G)लन्च गर्ने योजनामा छ ।

भीभो जी १ हालै चीनको टेनामा लिस्टेड भएको छ । यसअघि नै यो फोनको बारेमा जानकारीहरु लीक भएका थिए ।

यो फोन हेर्दा करिब करिब भीभो एस६ ५जी जस्तै देखिन्छ ।

भीभो जी १ स्मार्टफोनमा ६.४४ इन्चको फूलएचडी ओएलईडी डिस्प्ले राखिएको छ। यो वाटरड्रप नोच डिजाइनमा आउनेछ । जहाँ ३२ मेगापिक्सेलको सेल्फी क्यामरा हुनेछ ।

त्यसैगरि फोनको पछाडिको भागमा वृत्ताकार रुपमा क्वाड क्यामरा सेटअप रहेको छ । यसको मुख्य क्यामरा ४८ मेगापिक्सेलको छ भने अन्य ८ मेगापिक्सेल, २ मेगापिक्सेल र २ मोगपिक्सेलको डेफ्थ सेन्सर हुनेछ ।

यो फोनको अर्को महत्वपूर्ण पक्ष भनेको यसले सामसंगको चीपसेट प्रयोग गर्नेछ । भीभो जी१ स्मार्टफोन एक्सनोज ९८० चीपसेटका साथ हुने जून ५जी मोडेममा एकिकृत रहनेछ।

फोनमा पावरका लागि ४,५०० एमएएचको ब्याट्री प्याक हुनेछ भने १८ वाटको फास्ट चार्जिङ्ग राखिएको छ । यो फोन एन्ड्रोयड १० ओएसमा आधारित हुनेछ।

भीभोको जी सिरिजमा आउने स्मार्टफोन जी १ को मूल्य करिब ३,००० यूआन हुने अनुमान गरिएको छ । यो स्मार्टफोन यहि मे महिनामा नै लन्च हुनसक्ने बताईएको छ । एजेन्सी

Sajilo Visa

प्रकाशित: १९ बैशाख २०७७, शुक्रबार

तपाइको प्रतिक्रिया

ताजा समाचार