एप्पलले सन् २०२० मा सार्वजिनक गर्ने नयाँ आईफोनहरुको उत्पादनमा ढिलाई गर्ने

Technology Khabar १६ बैशाख २०७७, मंगलवार

एप्पलले सन् २०२० मा सार्वजिनक गर्ने नयाँ आईफोनहरुको उत्पादनमा ढिलाई गर्ने
आइफोन ११ प्रो
Classic Tech

एप्पल इंकले यो वर्ष आउने आफ्नो नयाँ फ्ल्यागशिप आईफोनको उत्पादनमा ढिलाई गर्ने भएको छ । कम्पनीले प्रत्येक वर्षको अन्त्यतिर नयाँ आईफोन सार्वजनिक गर्ने गर्दछ ।

तर यो वर्ष भने एप्पलको नयाँ आईफोन केहि ढिलो आउने अनुमान गरिएको छ । हालै आएको रिपोर्टअनुसार एशियाली क्षेत्रहरुमा उत्पादनक्रममा आएको अबरोध र विश्वभर कोरोनाभाइरसको महामारीले कारणले उपभोक्ता माग कमजोर हुँदा कम्पनीले आफ्नो नयाँ फोन करिब १ महिना ढिलो गरि ल्याउने छ।

हालै आएको वाल स्ट्रिट जर्नलको रिपोर्टअनुसार एप्पलले यो बर्ष बजारमा चार नयाँ आईफोन मोडलहरु लन्च गर्नेछ।

जसमा नयाँ मोडलहरु ५जी कनेक्टिभिटीसहितको हुनेछ । यसैगरि कम्पनीले ह्याण्डसेटको उत्पादनमा पनि कटौती गर्नेछ ।

एप्पलले नियमितरुपमा सेप्टेम्बरमा नयाँ आईफोनहरु सार्वजनिक गर्ने गर्दछ । तर यो वर्ष भर्खरैमात्र अप्रिल १५ मा नयाँ सस्तो आईफोन लन्च गरेको थियो । आईफोन एसई ३९९ अमेरिकी डलरमा लन्च गरेको हो ।

TK Viber

प्रकाशित: १६ बैशाख २०७७, मंगलवार

Loading...