Technology Khabar ११ बैशाख २०७७, बिहीबार
काठमाडौं ।
अन्तरिक्षमा स्याटेलाइट राखेर ब्रोडब्याण्ड इन्टरनेट दिने उद्धेश्य राखेको स्टारलिंक स्याटेलाइटस् कम्पनीले अर्को खेपको उडान गरेको छ । अहिले कम्पनीले ६० वटा स्याटेलाइटहरु पृथ्वीको लो अर्बिटमा राख्ने गरि रकेट लन्च गरेको हो ।
कम्पनीले विश्वभर उच्च गतिको ब्रोडब्याण्ड इन्टरनेट दिने योजना लिएको छ । स्टालिंक स्याटेलाइट्सले स्पेसएक्सको रकेटमार्फत आफ्ना ६० नयाँ ल्याटेलाइट प्रक्षेपण गरेको हो । यो सहित कम्पनीले अन्तरिक्षमा कुल ४२२ वटा स्याटेलाइटहरु पुर्याएको छ ।
स्पेसएक्स अन्तरगतको स्टारलिंक विश्वकै सबैभन्दा धेरै प्राइभेट स्याटेलाइट संचालन गर्ने कम्पनी भएको छ । यसका साथै स्पेसएक्सले सन् २०२० को अन्त्यतिर नै क्यानाडा र उत्तर अमेरिकामा आफ्नो सेवा उपलब्ध गराउने योजना राखेको छ।
कम्पनीका यी स्याटेलाइटहरु परम्परागत जियोस्टेशनरी स्याटेलाइटहरुभन्दा फरक पृथ्वीको तल्लो कक्षमा राखिएको हुन्छन् । यी स्याटेलाइटहरुमार्फत लो लेटेन्सी कनेक्सनमा निरन्तर भरपर्दो कनेक्सन उपभोक्ता र व्यवसायहरुलाई दिन सकिन्छ ।
स्टारलिंकले कुल १२ हजारदेखि ४२ हजार साना स्याटेलाइटहरु लन्च गर्ने योजना लिएको छ ।
अहिलेको रकेट प्रक्षेपणमा स्पेसएक्सको फाल्कन ९ बुस्टर रकेटलाई पुन प्रयोग गरिएको थियो ।
प्रकाशित: ११ बैशाख २०७७, बिहीबार