Technology Khabar १० बैशाख २०७७, बुधबार
काठमाडौं ।
एक रहस्यमयी ह्याकरले आफूले चोरेको २ करोड ५० लाख डलर बराबरको क्रिस्टोकरेन्सी २ दिनपछि फिर्ता गरेको छ ।
हालै चीनमा आधारित डिफोर्स प्लेटफर्ममा ह्याकरले विभिन्न किसिमका क्रिप्टो करेन्सीहरु चोरेको थियो । जून पछि सोहि प्लेटर्फममा फिर्ता गरिएको हो ।
क्रिप्टोकरेन्सी ईथेरियममा रहेको १ करोड डलर, अमेरिकी डलरसँग जोडिएको १ करोड डिजिटल क्वाइनहरु र अन्य ४० लाख डलर बराबरका अन्य प्रकारका क्वाईनहरु चोरेको थियो ।
अहिले भने पुन सोहि ह्याकरले आफूले लगेको बराबरकै रकम फिर्ता गरेको हो । तर यो विभिन्न अन्य किसिमका क्रिप्टो करेन्सीमा रहेको छ ।
डिफोर्स अनलाइन सर्भिस हो जसले यूजर्सलाई क्रिप्टो करेन्सी एक आपसमा कारोबार गर्न स्वीकृती दिन्छ ।
डिफोर्सका संस्थापक मिन्डाओ याङ्गले एक ब्लग पोस्टमा ह्याकरहरुले आफूहरुसँग सम्पर्क गर्ने प्रयास गरेको र उनीहरुसँग कुराकानी गरिएको बताएका छन् । उनले ब्लग पोस्टमा डिफोर्सका यूजर्सहरुका साथसाथै अन्य पार्टनरहरु, को फाउण्डर र व्यक्तिगत सम्पत्तिहरु पनि यो ह्याकिङ्गमा चोरेको बताएका छन् ।
ब्लकचेन सेक्यूरिटी फर्म पेकसिल्डले कसरी डिफोर्स सिस्टमलाई चलाखिपूर्ण तरीकाले झुक्याएर क्रिप्टोकरेन्सी झिकियो भनेर उल्लेख गरेको छ ।
सो ह्याकिङ्ग समयमा आक्रमणकारीले सिस्टमलाई पहिले नै रकम डिपोजिट गरिएको सुनिश्चित गरेर क्रिप्टोकरेन्सी झिकेको थियो ।
तर ह्याकरले चोरेको क्रिप्टोकरेन्सी फेरि किन फिर्ता गर्यो भन्ने प्रश्न उब्जिएको छ ।
कम्पनीका फाउण्डर याङ्गले पनि सो रकम फिर्ता भएको अर्को ब्लग पोस्टमा बताएका छन् । एजेन्सी
प्रकाशित: १० बैशाख २०७७, बुधबार
