ईपिक गेम्सले फोर्टनाईटको नयाँ सिजन ल्याउन ढिलाई गर्ने, अहिलेकै सिजनमा नयाँ फीचर अपडेट

Technology Khabar ३ बैशाख २०७७, बुधबार

ईपिक गेम्सले फोर्टनाईटको नयाँ सिजन ल्याउन ढिलाई गर्ने, अहिलेकै सिजनमा नयाँ फीचर अपडेट

चर्चित अनलाइन गेम फोर्टनाईटको निर्माता कम्पनी इपिक गेम्सले आफ्नो नयाँ सिजनको फोर्टनाइटको सार्वजनिकीकरणमा ढिलाई गर्ने भएको छ ।

फोर्टनाइटको च्याप्टर २ सिजन ३ गेम आगामी २ सातामा लन्च गर्ने तयारी भएको भएपनि हाल कम्पनीले त्यसलाई थप समयपछि मात्र लन्च गर्ने बताएको छ ।

फोर्टनाईट विश्वको प्रमुख भिडियो गेम्स मध्येमा पर्दछ । यसले करोडौं गेमरहरु र दर्शकहरुलाई आकर्षित गरिरहेकोछ ।

इपिक गेम्सले लन्च मितीमा ढिलाई हुनुको कारण के हो भन्ने उल्लेख गरेको छैन् नत कम्पनीले डेभलपरहरुलाई कोरोनाभाइरसको महामारीले गर्दा वर्क फ्रम होम गर्नुपरेको भनेर भनेको पनि छैन् ।

फोर्टनाईटको सिजन सार्वजनिक मिती सारिएको यो पहिलो घट्ना हो ।

प्रत्येक सिजनलले अपडेटहरु र केहि परिवर्तन ल्याउने गर्दछ भने यसले गेममा प्लेयरहरुलाई सक्रिय बनाउन सहयोग गर्दछ । अन्य ब्याटल रोयल गेम्सको जस्तै फोर्टनाईटको लक्ष्य पनि अन्तिम प्लेयर बाँच्नु हो, तर जे भएता पनि यसमा प्लेयरहरुले टिमको रुपमा सहभागी भएर खेल्नेछन् ।

फोर्टनाईट टिमले हालै एक ब्लग पोस्टमा सिजन ३ मा ढिलाई हुने जानकारी दिएको छ भने हालकै सिजनमा नयाँ फीचरहरु थप गरिने उल्लेख गरेको छ । एजेन्सी

प्रकाशित: ३ बैशाख २०७७, बुधबार

Comments are closed.

Loading...