Technology Khabar २९ चैत्र २०७६, शनिबार
काठमाडौं ।
त्रिभुवन विश्वविद्यालय र सिटिईभिटीमा कार्यरत कर्मचारीहरु तथा अध्यापकहरुको डाटा ह्याक गरिएको छ । त्रिभुवन विश्वविद्यालय अन्तरगत कार्यरत अध्यापकहरुको डाटा एक ह्याकरले लीक गरिदिएको हो ।
हालै सातान नामक ट्विटर ह्याण्डलमार्फत ह्याकरले त्रिभुवन विश्वविद्यालय र सिटिईभिटीका अध्यापकहरुको नाम, विभाग र ईमेल एड्रेस सार्वजनिक गरिदिएको हो । जहाँ उनीहरुको पदसहित ब्लड ग्रुपसमेत सार्वजनिक गरिएको छ ।
सो बिबरणमा त्रिभुवन विश्वविद्यालयका १ सय ५० भन्दा बढि अध्यापकहरुको बिबरण रहेको छ भने अधिकांश चिकित्साशास्त्रमा कार्यरत रहेको देखिन्छ ।
ह्याकरले सिटिईभिटीको समेत डाटा लीक गरिदिने चेतावनी दिएको थियो ।
Greetings,everyone@tu_information Tribhuvan university and @CTEVTNepal
CTEVT you shouldn't make the information regarding your employees and teachers free for everyone!
~just a remainder https://t.co/4v4G1VQLQI
🙁 i don't want to harm any property of nepal and not doing it ??— SATAN (@satan_cyber_god) April 10, 2020
यसअघि सोहि ह्याकरले प्रभु ग्रुप अन्तरगतको प्रभु मनी ट्रान्सफरको डाटाहरु ब्रीच गरेको दाबी गरेको थियो । कम्पनीको करिब ४०० प्रभु मनी ट्रान्सफरका सेवा प्रयोगकर्ताहरुको डाटा ह्याकरले शुक्रबार बेलुका ह्याक गरेर सार्वजनिक गरिदिएको उल्लेख गरेको छ ।
सातान नामक ह्याकरले आफ्नो ट्विटर एकाउन्टबाट प्रभु मनी ट्रान्सफरको डाटाहरु ह्याक गर्ने चेतावनी दिएको थियो ।
उनले सो कम्पनीको बैंकिङ्ग तथा अन्य सिस्टमहरुमा सेक्यूरिटी कमजोरी भएको भन्दै त्यसको बारेमा यसअघि नै सचेत गराएको दाबी गरेको छ । जहाँ उसले यसअघिको भायनेटको डाटाब्रिचको जस्तै घट्ना गराईदिने चेतावनी दिएको थियो । ह्याकरले आफ्नो सिस्टमलाई सचेत बनाउन भन्दै बेलुका ८ बजे त्यसको डेमो देखाउने उल्लेख गरेको थियो ।तर लीक भएका डाटाहरु प्रभु मनी ट्रान्सफरको नै हो भन्ने कुनै स्वत्रन्त्र पुष्टि भने भएको छैन् । प्रभु मनी ट्रान्सफरको दाबी गरिएका डाटाहरु अहिले भने हटाईएको छ ।
त्यसैगरि ह्याकरले नेपाली कांग्रेसको डाटा समेत ह्याक गर्ने चेतावनी दिएको छ ।
If you think we are doing wrong,let us know!@Nepali_Congress Please secure your data including all the donations and other information,don't weaken your citizens. Don't make us do it again ?
~Justice will now be served!
— SATAN (@satan_cyber_god) April 10, 2020
प्रकाशित: २९ चैत्र २०७६, शनिबार