गूगलको सहायक कम्पनीले अमेरिकादेखि ताईवानसम्म सबमरिन केबल संचालन गर्दै

Technology Khabar २९ चैत्र २०७६, शनिबार

गूगलको सहायक कम्पनीले अमेरिकादेखि ताईवानसम्म सबमरिन केबल संचालन गर्दै

गूगलको सहायक कम्पनीले अमेरिकादेखि ताइवानसम्म समुद्रीमार्ग हुँदै इन्टरनेट केबल बिछछ्याउने भएको छ । अमेरिकाको फेडरल कम्युनिकेशन कमिसनले हालै गूगलको सहायक कम्पनी जीयू होल्डिङ्गलाई सबमरिन फाइबर बिछ्याउन अधिकार दिएको छ ।

यो सबमसिन अप्टिकल फाइबरले अमेरिका र ताइवानलाई सम्पर्क गराउनेछ । तर यो अप्टिकल केबल हंगकंगसम्म बिस्तार गर्न भने रोकेको छ ।

यसले ग्लोबल इन्टरनेटलाई क्षेत्रिय तहमा छुट्याउन सहज हुने बताईएको छ ।
प्यासिफिक लाइट डाटा कम्युनिकेशनले संचालन गर्ने सो केबल जसलाई चीनको मुख्यभुमीसँग जोडिने कुराले गर्दा वर्षौंदेखि ढिलाई भईरहेको थियो ।

अमेरिकामा ट्रम्प प्रशासनले टिम टेलिकममार्फत समग्र प्रकृयालाई पुन विश्लेषण गरेको छ, जसले हंगकंगसम्म सिधा लिंक गर्दा अमेरिकाको इन्टरनेट पूर्वाधारलाई जोखिम हुनसक्ने आंकलन गरेको छ ।

सो समूहले हालैमात्र अमेरिकी राष्ट्रपति ट्रम्पले कामगर्न स्वीकृती दिएको आदेश प्राप्त गरेको थियो ।

सो सबमरिन अप्किल फाइबर केबल बिछ्याउनुको उद्धेश्य अमेरिकालाई ताईवान, हंगकंग र फिलिपिन्ससँग जोड्नु हो । जसलाई गूगलले प्रस्ताव गरेको थियो भने फेसबुक जस्ता अन्य टेक कम्पनीहरुले आफ्नो घरेलु डाटासेन्टरबाट ठूलोमात्रामा सूचना र डाटाहरु आदानप्रदान गर्न चाहनु हो । उनीहरुले पछिल्लो दिनमा तिब्रगतिमा वृद्धि हुँदै गएको एशिया प्यासिफिक रिजनमा ध्यान दिनका लागि हो ।

सो केबल संचालन कम्पनीमा सन् २०१७ मा डा. पेंग टेलिकम एण्ड मिडिया ग्रुपले शेयर लिएपछि अमेरिकाले सुरक्षा चासो देखाएको थियो जसले गर्दा परियोजनामा ढिलाई हुँदै आएको थियो ।

गूगलको सहायक कम्पनीले सो परियोजनामा राष्ट्रिय सुरक्षा सिमिततालाई स्वीकार गरेको छ । जसले नेटवर्क संचालन प्रकृयाको बारेमा अमेरिकी सरकारलाई जानकारी दिनेछ।

गूगलले हंगकंगसम्म सम्पर्क गर्ने केबल परियोजना भने हाल कमिसनमा रोकिएको जनाएको छ । एजेन्सी

प्रकाशित: २९ चैत्र २०७६, शनिबार

Comments are closed.

Loading...