भारतीय सरकारद्धारा सोशल मिडिया कम्पनीलाई भ्रामक खबरसहितका मेसेज हटाउन आदेश

Technology Khabar २६ चैत्र २०७६, बुधबार

भारतीय सरकारद्धारा सोशल मिडिया कम्पनीलाई भ्रामक खबरसहितका मेसेज हटाउन आदेश

भारतको इलेक्ट्रोनिक्स तथा सूचना औद्योगिकी मन्त्रालयले भारतमा रहेका सामाजिक प्लेटफर्महरुलाई गलत सूचना दिने मेसेज वा कन्टेन्टहरुलाई हटाउन भनेको छ ।

सो मन्त्रालयले टिकटक, फेसबुक, हेलो लगायतका सोशल मिडियाहरुलाई कोरोना भाइरसको महामारीको विरुद्ध लड्नका लागि त्यस्ता गलत जानकारीहरुले अभियानलाई कमजोर बनाउने भारतीय सरकारको दाबी छ ।

हालै आएको भारतीय मिडियाहरुको रिपोर्टअनुसार सोशल मिडिष कम्पनीहरुसँग दूर्भावनापूर्ण सामाग्रीहरु राख्ने मानिसहरुको जानकारी समेत राख्न भनेको छ । ती जानकारीहरु आवश्यक परेको बेलामा प्रहरी र अन्य एजेन्सीहरुसँग शेयर गर्न सकिने बताईएको छ ।

स्रोतलाई उदृत गर्दै आएको रिपोर्टअनुसार सो मन्त्रालयले विशेषगरि टिकटक, हेलो र फेसबुकमा गलत जानकारीसहितको मेसेजहरु राखिएको बताएको छ । मन्त्रालयले त्यस्ता झुटा र भ्रामक मेसेजहरुले मानिसहरुबिच त्रास फैलाउने र अन्य नोक्सानी गर्ने उल्लेख गरेको छ ।

यसैबिच भारतीय इन्टरनेट तथा मोबाइल संघ(आईएएमएआई)ले सोशल मिडिया कम्पनीहरुले आफ्नो प्लेटफर्मबाट कुनैपनि कन्टेन्टहरु हटाउनका लागि कानूनीरुपमा आदेश जारी गरिनुपर्ने बताएको छ । सो संस्थाले गलत जानकारी फैलाउने काम यूजर्सको भएको हुँदा उनीहरु नै जिम्मेबार हुनुपर्ने स्पष्ट पारेको छ ।

सो संस्थामा गूगल, फेसबुक, टिकटक, शेयरच्याट लगायतका कम्पनीहरु आबद्ध छन् । एजेन्सी

प्रकाशित: २६ चैत्र २०७६, बुधबार

Comments are closed.

Loading...