Technology Khabar २६ चैत्र २०७६, बुधबार
काठमाडौं ।
फेसबुक इंकले मंगलबार नयाँ मेसेजिङ्ग एप लन्च गरेको छ । यो दम्पत्तिहरु वा प्रेमी प्रेमिकाहरुले प्रयोग गर्न सकिने एप हो जसको नाम ‘ट्यून्ड’ (Tuned) राखिएको छ ।
यसमा च्याट गर्न, फोटो तथा म्यूजिकहरु शेयरगर्नका लागि प्रयोग गर्न सकिन्छ भने यसका साथमा टाइमलाइन पनि शेयर गर्न सकिनेछ ।
यो एप हाल केबल एप्पलको एप स्टोरमा उपलब्ध रहेको छ भने अमेरिकी र क्यानाडेलीले मात्र प्रयोग गर्न सक्ने सेन्सर टावरले जनाएको छ ।
सो उत्पादन फेसबुकभित्रको सानो टिमले निर्माण गरेको हो जसलाई न्यून प्रडक्ट एक्सपेरिमेन्टेसन टिम भनेर चिनिन्छ । यो समूहले शुरुवात देखि नै नयाँ सोशल मिडिया प्रडक्टहरु बनाउने गर्दछ ।
सो निर्माण टिमकाअनुसार- नयाँ एप निजी स्थान हो जहाँ तपाईँ र तपाईँको नजिकका अन्य व्यक्ति केबल तपाईँहरु मात्र हुनुहुन्छ ।
फेसबुकको ट्यून्ड एप अमेरिकामा ८७२ स्थानमा रहेको छ भने क्यानाडामा ५५० स्थानमा सोशल नेटवर्किङ्ग क्याटोगरीमा रहेको छ सेन्सर टावरले उल्लेख गरेको छ । एजेन्सी
प्रकाशित: २६ चैत्र २०७६, बुधबार
