भारतको फुड डेलिभरी स्टार्टअप स्वीगीले ४३ मिलियन डलर लगानी थप्यो

Technology Khabar २५ चैत्र २०७६, मंगलवार

भारतको फुड डेलिभरी स्टार्टअप स्वीगीले ४३ मिलियन डलर लगानी थप्यो

भारतीय फुड डेलिभरी स्टार्टअप स्वीगीले आफ्ना नयाँँ व्यवसाय बिस्तार गर्न थप ४३ मिलियन डलर उठाएको छ ।

सो लगानीमा अहिलेको लगानीकर्ता टेनसेन्ट र नयाँ पार्टनरहरु आर्क इम्प्याक्ट, कोरिया इनभेस्टमेन्ट पार्टनर्स, सामसंग भेन्चर्स र मिरेई एसेट क्यापिटल माकेट्सले थप लगानी गरेका हुन् ।

गएको फरबरीमा बैंगलोरमा आधारित कम्पनीले लगानीकर्ताहरुबाट ११३ मिलियन डलर लगानी जुटाएको थियो ।

नयाँ चरणमा पाँच वर्ष पुरानो स्टार्टअप कम्पनीले अहिलेसम्म १.४२ बिलियन डलर उठाईसकेको छ । जसले कम्पनीलाई ३.६ बिलियन डलर भ्यालू कायम गराएको टेकक्रन्चको रिपोर्टमा उल्लेख छ। टेनसेन्टले अहिलेको चरणमा थप लगानी १९ मिलियन डलर गरेको छ ।

पछिल्लो दिनमा भारतका सवा अर्ब जनता लकडाउनमा भएको बेलामा सो लगानीको निर्णय भएको छ । लकडाउनले गर्दा भारतमा अन्य व्यवसायका साथै फुड डेलिभरी पनि समस्यामा पर्दै आएको छ । फुड डेलिभरी रोकिएसँगै कम्पनीले अहिले ग्रोसरी डेलिभरी गर्न शुरु गरेको छ ।

प्रकाशित: २५ चैत्र २०७६, मंगलवार

Comments are closed.

Loading...