एप्पलको आपूर्तिकर्ता कम्पनी फक्सकनको नाफा मार्चमा ७.७ प्रतिशतले घट्यो

Technology Khabar २५ चैत्र २०७६, मंगलवार

एप्पलको आपूर्तिकर्ता कम्पनी फक्सकनको नाफा मार्चमा ७.७ प्रतिशतले घट्यो
Classic Tech

फक्सकनको नामले चिनिने एप्पलका उत्पादनहरुको आपूर्तिकर्ता कम्पनी होन हाई प्रिसियस इण्डस्ट्रिको मासिक नाफा ७.७ प्रतिशतले घटेको छ । ताइवानी कम्पनीको नाफा मार्च महिनामा ७.७ प्रतिशतले कमी आएको हो ।

विश्वको सबैभन्दा ठूलो कन्ट्र्याक्ट इलेक्ट्रोनिक्स निमार्ता कम्पनीको सो महिनाको आम्दानी ३४७.७ बिलियन ताइवानी डलर रहेको छ,जून गत वर्षको सोहि अवधिको ३७६.६ बिलियन ताइवानी डलरभन्दा कम हो ।

कम्पनीले आफ्नो आम्दानीको बारेमा स्टक एक्सचेन्जमा दर्ता गरेको फाइलमा उल्लेख गरेको छ ।

यसका साथै गएको जनवरीदेखि मार्च महिनासम्मको कुल आम्दानी ९२९.७ बिलियन ताइवानी डलर रहेको छ जून अघिल्लो वर्षको सोहि अवधिको तुलनामा १२.०६ प्रतिशत कम हो ।

कोरोनाभाइरसको विश्वव्यापी महामारीले गर्दा कम्पनीले सन् २०१९ को पछिल्लो तीन महिनाको नाफामा २३.७ प्रतिशत कमी आएको जानकारी दिएको थियो । एजेन्सी

TK Viber

प्रकाशित: २५ चैत्र २०७६, मंगलवार

Loading...