कोरोनाभाइरस विरुद्ध लड्न टेक कम्पनी एप्पल फेस मास्कपछि फेस सिल्ड बनाउँदै

Technology Khabar २४ चैत्र २०७६, सोमबार

कोरोनाभाइरस विरुद्ध लड्न टेक कम्पनी एप्पल फेस मास्कपछि फेस सिल्ड बनाउँदै
Classic Tech

एप्पलका सिईओ टिम कुकले आफ्नो कम्पनीले स्वास्थ्यकर्मीहरुलाई सहयोग गरिरहेको जानकारी दिएका छन् । यसअघि कम्पनीमार्फत विश्वभर २ करोड फेस मास्क उपलब्ध गराएका कुकले अहिले भने स्वास्थ्यकर्मीहरुलाई फेस सिल्ड उपलब्ध गराउन लागेका छन् ।

उनले आफ्नो ट्विटर एकाउन्टबाट फेस मास्क सहयोगपछि कम्पनीले फेस सिल्ड बनाउन लागेको जानकारी दिएका हुन् ।

यसअघि कुकले १ करोड फेस मास्क सहयोग गर्ने बताएपनि त्यो संख्या दोब्बर हुँदै २ करोड फेस मास्क सहयोग गरेका छन् । यी मास्कहरु एप्पलको सप्लाई चेनबाट नै तयार पारिएका थिए ।

त्यसैगरि अहिले भने कुकले फेस सिल्ड बनाउन थालिएको जानकारी दिएका छन् । कोरोनाभाइरसबाट बच्न आवश्यक प्रोटेक्टिभ पर्सनल इक्वूपमेन्टमा प्रयोग हुने सो फेस सिल्डले संक्रमणमा स्वास्थ्यकर्मीहरुको जोखिम न्यून गर्दछ ।

एप्पलले आगामी साताभित्रै १० लाख फेस सिल्ड बनाउने र त्यो सबैभन्दा पहिले अमेरिकाको सान्ताक्लारा भ्यालीमा रहेको अस्पताललाई उपलब्ध गराउने बताएको छ ।

यसबाहेक कुकले विश्वभरका सरकारहरुलाई समेत फेस मास्क र फेस सिल्ड उपलब्ध गराउने बताएका छन् ।

TK Viber

प्रकाशित: २४ चैत्र २०७६, सोमबार

Loading...