टिडीओ नेपालको अनलाइन मोबाइल हेल्थ सेवा, नेपालफाइट्स डटकम मार्फत निशुल्क परामर्श पाईने

Technology Khabar २४ चैत्र २०७६, सोमबार

टिडीओ नेपालको अनलाइन मोबाइल हेल्थ सेवा, नेपालफाइट्स डटकम मार्फत निशुल्क परामर्श पाईने
Classic Tech

लकडाउनले करिब २ सातादेखि नेपालमा जनजीवन प्रभावित गरेको छ । उद्योग, कल कारखाना, कार्यलयहरु बन्द छन् । देशको प्राय स्थानमा अस्पताल र डाक्टरहरुको ओपिडी पनि बन्द छन् ।

तसर्थ, नियमित चेक जाँच वा जिज्ञासाहरुको लागि डाक्टरहरुको पहुँच उपलब्ध छैन । त्यसैले चिकित्सकिय हिसाबले सही जानकारी प्रदान गर्ने सेवालाई सहायता प्रदान गर्न र नेपालको आम जनतालाई टेलीमेडिसिन परामर्श प्रदान गर्न, टिडीओ नेपाल, नेपालको लागि एउटा अनलाइन मोबाइल हेल्थ सेवाले एउटा समर्पित वेभ पोर्टल सुरु गरेको छ जुन डेस्कटप, ट्याब्लेट र मोबाइलमा पनि प्रयोग गर्न सकिन्छ ।

टिडीओ नेपालको अनलाइन www.nepalfightscorona.com मार्फत प्रयोगकर्ताहरु जोसँग ज्वरो, रुघा, खोकी र कोभिड-१९ सम्बन्धी कुनै भाइरल लक्षणहरु सम्बन्धी प्रश्न र जिज्ञासा छ भने यो सेवाले निशुल्क परामर्श र निर्देशन प्रदान गर्छ । यति मात्र नभएर यो सेवाले एउटा च्याटबोट आधारित लक्षण जाँच्ने प्रणाली आफ्नो प्रयोगकर्ताहरुको लागि सक्षम गरेको छ जुन उनीहरुले कोभिड-१९ को सम्भाव्यता जाँच गर्न प्रयोग गर्न सक्ने बताईएको छ ।

कम्पनीकाअनुसार प्रयोगकर्ताले आवश्यक जानकारी जस्तै हेल्पलाइन नम्बरहरु, सम्पर्क नम्बर र कोभिड-१९ को लागि परिक्षण केन्द्रहरुको ठेगाना साथै कोभिड-१९ बारे सामान्यता बारम्बार सोधिने प्रश्नहरु र तिनीहरुको उत्तरहरु प्राप्त गर्न सक्छन् ।

यसरी सेवा प्रयोग गर्नुस्-

  • सबैभन्दा पहिले www.nepalfightscorona.com खोल्नुहोस् ।
  • लक्षण जाँचकर्ता रोज्नुहोस् र प्रश्नहरुको जवाफ दिनुहोस् ताकी तपाईंले कोभिड(१९ परिक्षणको लागि अस्पताल जानुपर्छ कि पर्दैन भनेर थाहा पाउन सक्नुहुन्छ( च्याटबोट आधारित प्रश्न र उत्तर उपकरण जुन डब्लुएचओ र स्वास्थ्य मन्त्रालयहरुले प्रकाशन गरेको निर्देशिकाहरु अनुरुप निर्माण गरिएको छ।
  • निशुल्क परामर्शको लागि – च्याट विजेटमा क्लिक गर्नुहोस् र टिडीओ डाक्टरहरु बाट टेलिफोन परामर्शको लागि अपोइन्टमेन्ट पाउनुहोस् ।
  • अन्य सेवाहरुमा कोभिड-१९ बारे बारम्बार सोधिने प्रश्नहरु, परिक्षण केन्द्रहरुको सुची र हेल्पलाइन नम्बरहरु छन् ।

टिडीओ नेपालले गत हप्ता मात्रै रुघा, खोकी, ज्वरो र कोभिड-१९ सम्बन्धित विषयमा मात्रै ३००० बिरामीहरुको जिज्ञासा समाधान गरेको छ।

सो अनलाइनमार्फत कम्पनीले बिहान ६ बजे देखि राती १२ बजेसम्म हाम्रो प्रयोगकर्ताहरुलाई प्रत्येक दिन अनलाइनरअन कल सहायता प्रदान गरिरहेको जनाएको छ ।

प्रकाशित: २४ चैत्र २०७६, सोमबार

Comments are closed.

Loading...