एनसेलको मोबाइल सेवामा रकम सकियो ? त्यसोभए घरमा नै बसेर यसरी गर्नुस सजिलै रिचार्ज

Technology Khabar २४ चैत्र २०७६, सोमबार

एनसेलको मोबाइल सेवामा रकम सकियो ? त्यसोभए घरमा नै बसेर यसरी गर्नुस सजिलै रिचार्ज

देशभर लकडाउनले गर्दा मानिसहरु घरभित्रै बसिरहेका छन् भने विभिन्न मोबाइल अपरेटरहरुले आफ्ना सेवाग्राहीहरुलाई अफर र सुविधाहरु समेत घोषणा गरिरहेका छन् ।

सरकारको निर्देशन र कम्पनीहरुले समेत ग्राहकको अवस्थालाई ध्यानमा राखेर बोनस, छुटदेखि रिचार्जसम्मका अफरहरु सार्वजनिक गरेका छन् ।
एनसेलले पहिलेदेखि नै दिईरहेको अनलाइन रिचार्ज सेवामार्फत समेत घरबाटै आफ्नो सेवाहरु रिचार्ज गर्न र अनलाइनबाटै ती अफरहरु लिन र भुक्तानी गर्नसकिने छ ।

जसले गर्दा मानिसहरु घरबाहिर गएर रिचार्ज कार्ड किन्ने वा पसलमा गएर रिचार्ज गराउन अनुरोध गर्नुपर्दैन् ।

एनसेलले पनि अनलाइनबाटै रिचार्ज गर्न दिएको सुविधा प्रयोग गर्ने तरिका बारेमा हामी यहाँ जानकारी दिनेछौं । यसकाे लागि तपाईँको बैंक एकाउन्टमा भने रकम हुनुपर्दछ ।

– तपाईँ एनसेलको सेवा प्रयोग गरिरहनुभएको छ भने सबैभन्दा पहिले तपाईँ एनसेलको वेबसाइट https://www.ncell.axiata.com/ मा जानुहोस् । त्यहाँ तपाईँले अनलाइन रिचार्ज गर्नका लागि दाहिने भागको तल कुनामा रिचार्ज अनलाइन भन्ने अप्सन पाउनुहुनेछ त्यसमा ट्याप गर्नुहोस् ।

Mobile Operator

– त्यसमा ट्याप गरिसकेपछि तपाईँको स्मार्टफोन वा ल्यापटपमा नयाँ पेज https://payment.ncell.axiata.com/ खुल्दछ । सो पेजमा तर्पाइँले डेबिट क्रेडिट कार्ड रिचार्जको अप्सन पाउनुहुनेछ । जहाँ तपाईँले आफ्नो मोबाइल नम्बर राखेर रिचार्ज गर्न चाहेको रकम ट्याप गर्नुपर्ने हुन्छ । त्यसपछि त्यसलाई कन्टिन्यू पेमेन्टमा क्लिक गर्नुस् ।

– त्यसपछि तपाईँको स्मार्टफोनको डिस्प्लेमा अर्को प्रोसेसको स्टेज आउँछ जहाँ तपाईँले अघि उल्लेख गरेको रकम सहि छ र तपाईँको फोन नम्बर सहित ठिक छ वा छैन भनेर हेर्न सकिन्छ र ठिक भएमा प्रोसिड टू पेमा क्लिक गर्नुस् । यो प्रकृयापछि तपाईँको मोबाइल नम्बरलाई तपाईँको आफ्नो बैंक एकाउन्टमा जोडिन्छ ।

 

 

 

 

– अब तपाईँको मोबाइल नम्बरमा एउटा कोड नम्बर आउँछ जसलाई वन टाइम पासवर्ड(ओटिपी) भनेर भनिन्छ । त्यसलाई नयाँ आउने स्क्रीनमा रहेको इन्टर ओटिपी हियर भनेको स्थानमा राख्नुस् र सबमिटमा ट्याप गर्नुहोस् ।

 

 

 

अन्त्यमा तपाईँले आफ्नो ओटिपी कोड राखेर सबमिट गरिसकेपछि सो प्रकृया समाप्त भएको जानकारी दिन सक्सेस पेज देखाउँछ र तपाईँको कारोबार आईडी समेत त्यसमा उल्लेख गरिएको हुन्छ ।

यतिगरेपछि तपाईँको मोबाइलमा रिचार्जको रकम थप हुनेछ ।

प्रकाशित: २४ चैत्र २०७६, सोमबार

Comments are closed.

Loading...