फेसबुकलाई प्रयोगकर्ताको बिबरण पठाउँदै आएको जूमले आईओएस एपबाट कोड हटायो

Technology Khabar १८ चैत्र २०७६, मंगलवार

फेसबुकलाई प्रयोगकर्ताको बिबरण पठाउँदै आएको जूमले आईओएस एपबाट कोड हटायो
Classic Tech

भिडियो कन्फ्रेन्सिङ्ग एप जूमले आफ्नो आईओएस एपमा राखिएको फेसबुकलाई डाटा पठाउने कोड हटाएको छ । कम्पनीले हालै त्यस्तो कोड हटाउँदै आईओएस एप अपडेट गरेको हो।

यसअघि मदरबोर्डको एक रिपोर्टअनुसार जूमले सम्पूर्ण प्रयोगकर्ताहरुको डाटा फेसबुकलाई पठाउने गरेको थियो । जसमा फेसबुकमा एकाउन्ट नै नभएका व्यक्तिहरुको डाटा पनि फेसबुकमा पठाउँदै आएको थियो ।

सो डाटा पठाउने बारेमा भने एपको डाटा प्राइभेसी पोलिसीमा केहि उल्लेख गरिएको थिएन् ।

जूमका सिईओ एरिक एस यूआनले ब्लगपोस्टमार्फत कम्पनीले फेसबुकको सफ्टवेयर डेभलपमेन्ट किटमार्फत लगइन विथ फेसबुक फीचर प्रयोग गरिएको बताएका थिए । सो बारेमा कम्पनी जानकार भएको समेत उनले बताएका थिए । उनले डाटा संकलनको बारेमा प्रयोगकर्ताहरुसँग माथि समेत मागेका छन् ।

जूमले सो डाटा संकलनमा प्रयोगकर्ताको कुनै व्यक्तिगत विवरणहरु भने संकलन नगरिएको बताएको छ । एजेन्सी

TK Viber

प्रकाशित: १८ चैत्र २०७६, मंगलवार

Loading...