कोरोनाभाइरस बारे जानकारी दिन स्वास्थ्य मन्त्रालयको भाइबर ग्रुप, आधिकारिक सूचना पाईने

Technology Khabar १३ चैत्र २०७६, बिहीबार

कोरोनाभाइरस बारे जानकारी दिन स्वास्थ्य मन्त्रालयको भाइबर ग्रुप, आधिकारिक सूचना पाईने

नेपाल सरकारले कोरोनाभाइरस (कोभिड-१९) को बारेमा सहि र आधिकारिक जानकारीहरु सार्वजनिक गर्ने उद्धेश्यले भाइबर ग्रुप सेवा शुरु गरेको छ । स्वास्थ्य तथा जनसंख्या मन्त्रालयले भाइबरमा आधारित रहेर भाइबरमा जोडिएका सबैलाई कोरोनाभाइरस बारेको संदेशसहितका गतिबिधिहरु पठाउन थालेको हो ।

मन्त्रालयले संचालन गरेको सो भाइरब ग्रुप मेसेजिंग सेवामा कोरोना भाइरस बाट बच्ने उपायहरु, सर्तकता अपनाउने बिधी र मन्त्रालयले गरेका आधिकारीक निर्णयहरुको बारेमा अपडेट गर्ने गरिन्छ ।

तीन दिन अघिदेखि शुरु भएको सो भाइबर ग्रुपमा मन्त्रालयले कोरोना भाइरस आशंका भएका व्यक्तिले एकान्तबासमा पालना गर्नुपर्ने बिधिहरु, विभिन्न अस्पतालहरुले सार्वजनिक गरेका जानकारीहरु, प्रेस विज्ञप्तिलगायतका सामाग्रीहरु आधिकारीकरुपमा राखिएका छन् ।

सो ग्रुपलाई भाइबरले भेरिफाई समेत गरिसकेको छ ।

एमओएचपी नेपाल कोभिड-१९(MoHP Nepal COVID-19) नामक सो एपमा सबैभन्दा पछिल्लो अपडेट डाक्टर तथा स्वास्थ्यकर्मीहरुले कोभिड-१९ संक्रमितको उपचार गर्दा लगाउनुपर्ने पर्सनल प्रोटेक्सन इक्विपमेन्ट(पिपिई)को गाईडलाईनको बारेमा राखिएको छ ।

Messeging app

यो समाचार तयार पार्ने बेलासम्ममा सो ग्रुपमा १ लाख ५ हजार भन्दा बढि मानिसहरु जोडिईसकेका छन् ।

भाइबरका अन्य ग्रुपहरुमा आफूले चाहेको बेलामा जोडिन र लेख्न सकिने सुविधाहरु भएपनि यो ग्रुपमा भने मन्त्रालयको तर्फबाट राखिएका आधिकारीक जानकारीहरुमा कमेन्ट गर्न सकिने छैन् । तर त्यसमा लाईक गर्न, शेयर तथा फरवार्ड भने गर्न सकिन्छ ।

आफूले नचाहेको भए सो ग्रुप छोड्न सकिने छ तर सो ग्रुपमा जोडिएको अवस्थामा भने अन्य सदस्यहरुले तपाईँको मोबाइल नम्बर हेर्न नसकिने अर्थात गोप्य राखिने गरि बनाईएको छ ।

*हेडलाइन सम्पादित

प्रकाशित: १३ चैत्र २०७६, बिहीबार

Leave a Reply

Loading...